Yilinga 25:23 - MUKANDA USANDU WA ZAMBI 1975

²³ Kashika, muze hikwacha ni Akripa ahetele, ni Mberenise, ni uhenya unene, anjilile mu zuwo lia kuvwila, hamwe ni manjolo ni akwa lutwe ja limbo, Fesetu wambile, anehe Paulu.

Mukanda Wa Zambi 1970

²³ Kashika, muze hikwacha, Agripa ni Berenise yeeza ni uhenya unji, yaanjila mu zuwo lia kusopela hamwe ni miata ja tujita ni akwa lutwe a mu limbo. Festu yahana Shimbi anehe Paulu.

Yilinga 25:23 Iomraidhean Croise

Estere 1:4

shimbu masolola upite wa wanangana wenyi wa uhenya, ni ulemu wa ulamba wenyi wahiana matangwa anji—ngwe kulakaji ni makumi nake a matangwa.

Longeshi 1:2

Chamokomoko pundu pundu! Chilumbununyi ngwenyi, Chamokomoko pundu pundu, yeswe yapwa yamokomoko!

Izaya 14:11

Uhenya we haunungwina mu Shiole hamwe ni liji lia yisaji ye ya kusa. Mavuno mapwa chisalo che ni misangwinya kanyime ke.

Izaya 5:14

Kashika Shiole hiyokesa solo liayo; hiyatohesa kanwa liayo kuhiana, mba alemu ja Yerusaleme ni mbunga yako kanalundumukako, chihuji chako ni mweswe unalikwiza nayo.

Ezekiel 30:18

Ku Tehafene tangwa mulikalá ha kushihako chiyulo cha Engitu, ni ndundo jenyi ja kulengumuka mujikasula. Makafukiwa ni lelwa, ni anenyi a mapwo kumakaya ku ufunge.

Ezekiel 32:12

Mungukashihisa chihuji che ni tutana twa akwa ndundo, eswe kole ni mwongo hakachi ka mavungu. Kumakasulisa kulengumuka cha Engitu, ni chihuji chako cheswe muchikanonga.

Ezekiel 33:28

Mungukapwisa chifuchi cha kwenyeka, cha hululu, mba ndundo jenyi ja kulengumuka mujikasula. Milundu ya Izalele muyipwa ya kwenyeka, chocho niumwe mapalikamo.

Ezekiel 7:24

Waze ahiana kupiha hakachi ka mavungu mungwaneha akazuke mazuwo jo. Mungukasulisa tachi jo ja kulengumuka, ni yihela yo yisandu mayijilula.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Marku 6:21

Mba muze tangwa lipema liahetele, Heronde ha tangwa lia kusemuka chenyi walulikile chiteleka hali yilolo jenyi, ni hali mahando, ni akwa lutwe a mu Ngalileya.

Yilinga 12:21

Mba ha tangwa lia kutongolo, Heronde wazalile hina lia mukambo lia mwanangana, Watwamine ha chitwamo cha upatwilo, akahanjike kuli ayo.

Yilinga 25:13

Muze matangwa amwe apalikile, mwanangana Akripa ni Mberenise ahetele ku Sesarea mukumeneka Fesetu.

Yilinga 26:30

Mwanangana wakatukile ni nguvulu ni Mberenise, ni waze atwamine hamwe no.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

1 Korintu 7:31

ni waze malinga ni yuma ya hashi, ngwe kalingileko nayo liakulu: mumu tushilikilo twa hashi meza kuhwa.

Tiangu (Jake) 1:11

Mumu tangwa mulivumbuka ni chivukuminya chalio, mulilelesa mwambu; ni chitemo chawo muchiholoka, ni upeme wacho muuhwa: chocho pichi nawa makajimuka mu mawende jenyi.

1 Petulu 1:24

Mumu musunya weswe unapu ngwe mwambu, ni uhenya wawo weswe ngwe chitemo cha mwambu; mwambu muulela, ni chitemo chawo muchiholoka,

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.