Yilinga 24:5 - MUKANDA USANDU WA ZAMBI 1975

⁵ Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Mukanda Wa Zambi 1970

⁵ Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 24:5 Iomraidhean Croise

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Jeremia 37:13

Muze te haheta ku chikolo cha Mbenjamine, umwe kalayi jina lienyi Ilija mwana Shelemia, mwana Hanania yakwata profeta Jeremia ngwenyi, Unayi kuli A-Kaletea!

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Amose 7:10

Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Marku 1:24

Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Luka 23:19

Mwenawo ha vunda yimwe alingile mu limbo, ni ha ungalwe, amumbilile mu zuwo lia ususu.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Luka 23:25

Iye watuswile yoze ha vunda ni ungalwe amumbilile mu zuwo lia ususu, yoze amwichile; alioze wakunjikile Yesu, ku upale wo.

Luka 23:5

Alioze ashinjikile kuhiana chikolo, ngwo, Kakuvundula atu eswe, nikulongesa kweswe mu Yundeya, nikuputuka ku Ngalileya ndo ku kuno.

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

Yilinga 22:22

O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.

Yilinga 24:14

Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 24:4

Alioze hanga chichi kakulinda nawa, ngunaliumbu kuli yena, utwivwe kama hakepe ni umbovu we.

Yilinga 25:7

Muze ahetele, A-Yunda waze apalumukine ku Yerusaleme amanyine ha kumujingilika, nikumusuma yitela yinji yikalu, yize kahashile kuyisolwela chinyingi:

Yilinga 26:5

o angunyingikine kunyima chize ku uputukilo wawo, kachi matá kushindakenya, ngwe nikulita ni mbunga ya kuzeyela chikolo ku uwayilo wetu, napwile Ka-Fwariseu.

Yilinga 28:22

Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.

Yilinga 5:17

Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa.

Yilinga 6:13

Asele yela ja mahuza, waze ambile ngwo, Yono mutu keshi kulitwamina kuhanjika maliji a kulimika ni kuma kuno kusandu, ni ye shimbi.

1 Korintu 11:19

Mumu chatamba kupwa kulihandununa nawa hakachi kenu, hanga waze maasela Shindakenyo yipema akasoloke hakachi kenu.

1 Korintu 4:13

kakutukowela, etu twakuliumba: kakutupwisa ngwe yiswaswa ya hano hashi, yikongwakongwa ya yuma yeswe, chipwe ndo haliapwila.

1 Petulu 2:19

Mumu chino chinapemena kachi ha shimbi ya mbunge kuli Zambi, umwe manyongonona mu yinyengo, nikwivwa lamba, hi ha chitela chenyi ko.