Yilinga 24:25 - MUKANDA USANDU WA ZAMBI 1975

²⁵ Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

Mukanda Wa Zambi 1970

²⁵ Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”

Yilinga 24:25 Iomraidhean Croise

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

1 MIANANGANA 22:19

mumu mbunge ye yapwa yovu, hiwalikehesa kumeso ja Yehova ha kwivwa chize hinamba cha kulimika ni homa hano, ni atu jaho eswe, ngwami, muhapwa chihela cha hululu, muhapwa nawa shingo; hiwasonya mazalo je, hiwalila kumeso jami; ni yami nawa hinakupanjika, ngwenyi Yehova.

Ezra 10:3

Haliapwila tukolesenu usendo ni Zambi yetu tukalakule mapwo eswe ni ana jo eswe nikulita ni longeso lia yena mwata wami ni waze akuchikima ha shimbi ja Zambi yetu. Tulingenu chuma chino nikulita ni shimbi.

Ezra 10:9

Mba malunga eswe a Yunda ni Mbenjamine yakungulukila ku Yerusaleme ha matangwa atatu, te ha kakweji wamuchilivwa ni tangwa makumi aali a kakweji. Atu eswe yatwama mu lwaza kulutwe lia zuwo lia Zambi nikuchikima mumu ha chikuma chino ni ha vula munji nawa.

Jobe 29:14

Nazalile ululi; nalifukile nawo, upatwilo wami upema wapwile ngwe uzalo ni chipangula kuli yami.

Miaso (Masamu) 11:7

Yehova mukwa ululi kakuzanga ululi; meso jenyi kakutala mukwa ululi. Kuli Njimba mukwa lutwe. Ha Sheminite. Samu lia David.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Miaso (Masamu) 72:2

Iye kumakapatwila atu je ni ululi; kumakapatwila yiswale je ni umwenemwene.

Miaso (Masamu) 99:1

Yehova kanayulu, mavungu ja atu akachikime. Katwama hakachi ka akerupime, hashi heswe hakanyike.

Yishima 16:12

Chakuzelwokesa mianangana kulinga ungulungulu, mumu kakukolesa ngunja ni ululi.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Izaya 1:21

Tala chihunda chize chapwile chamwenemwene, hichalumuka chikoi, chapwile cha tò ni upatwilo wa kulita. Te ululi Watwamine muli iye, alioze haliapwila yingalwe wika.

Izaya 16:5

mba makolesa ngunja ni utu wa zango, henaho matwama ni umwenemwene mu mbalaka ya David umwe mukwa kupatula ni kufupa ululi, umwe malipupwisa kulinga chize Chinalulama.

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Izaya 41:21

Lumbununenu chikuma chenu, chocho kanambe Yehova. Mwanangana wa Yakomba kanambe ngwenyi, Nehenu uchela wenu.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Izaya 61:8

Mumu yami Yehova nakuzanga upatwilo wa kulita, nakuvwila kupiha wiji ni uhenge. Ni umwenemwene mungwaaha kwononona cho, mungukolesa no usendo wa mutolo.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 23:29

Yehova kanambe ngwenyi, Liji liami linapu ngwe kahia, ngwe muhato wa kupatula mawe tuyipalupalu.

Jeremia 36:16

Ha kwivwa maliji eswe yatala umwe kuli mukwo ni woma; yamba kuli Baruke ngwo, Chatutamba kwambulula maliji wano eswe kuli mwanangana.

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Daniel 5:30

Ufuku uze wene Beleshazare mwanangana wa Kaletea amushihile.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Hosea 7:5

Ha tangwa lia mwanangana wetu alemu ayijile ni chivukuminya cha vinyu. Wazozele kwoko lienyi hamwe ni akwa kulenya.

Amose 5:24

Alioze upatwilo wa kulita ukapwe ngwe sanga lia meya; ululi ukapwe ngwe muhwiji wa mutolo.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Hagai 1:2

Yehova-wa-Tujita kanambe ngwenyi, Wano atu kanambe ngwo, Matangwa a kutungulula zuwo lia Yehova kanda achiheta.

Mateu 22:5

Alioze achilelesele, ayile mu majila jo, umwe ku munda wenyi, ni mukwo ku chitanda chenyi;

Yoano 16:8

Iye muze heza, makakumika akwa hashi ha kutwala ku shili, ha kutwala ku ululi, ha kutwala ku upatwilo:

Yilinga 10:42

Iye watuhele shimbi mukwambujola kuli atu, nikushindakenya chikolo ngwetu, Yono hanamusela kuli Zambi Sopi ya a mwono ni afu.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 17:2

Paulu nikulita ni ndako yenyi, wanjilile mukachi ko, ni ha masambata atatu wahanjikile kuli ayo ku yisoneko.

Yilinga 17:32

O muze evwile ha Uhindukilo wa afu, amwe achimbungwine; ni akwo ambile ngwo, Mutukakwivwa ha chino tangwa likwo.

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Yilinga 24:15

nguli ni kutalatala kuli Zambi, chize ayo ene nawa kanachilawoka, ngwe kumukukapwa Uhindukilo wa eswe aali, ni akwa ululi ni yihenge.

Yilinga 24:26

Alioze wanyongene nawa hanji Paulu mamwaha mbongo: kashika nawa watumine kanji kanji, akalishimwinyine nenyi.

Yilinga 26:28

Akripa wambile kuli Paulu ngwenyi, Chikepe chinasala mba unangukununa kupwa mukwa Kristu.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 14:12

Chocho kevwe mutu ni mutu wa kuli yetu kumakalumbununa ha kutwala kuli iye mwene kuli Zambi.

A-ROMA 2:16

ha tangwa lize muze Zambi makapatula yuma ya kuhengama ya atu, nikulita ni sango lipema lia yami, kuli Yesu Kristu.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Galashia 3:22

Alioze yisoneko hiyayika yuma yeswe kushi lia shili, hanga akahane chilakenyo ku Ufulielo kuli Yesu Kristu kuli waze akufuliela.

Galashia 5:23

ni kushimbika, ni kusúla; kulimika ni yuma ngwe yino shimbi yakuhi niyimwe.

2 Timoteu 4:1

Shimbi ngunakwehe kumeso ja Zambi ni Kristu Yesu, yoze makapatwila a mwono ni afu, ni ku usolokelo wenyi ni wanangana wenyi,

Titu 1:8

aiioze mukwa kuzumbula ngeji, mukwa kufwila yipema, mukwa mana, mukwa ululi, musandu, mukwa kusúla;

Hebreu 12:21

Ni usolwelo uze wahiana woma, kashika Mose wambile ngwenyi, Ngunevu woma kuhiana ngunachikima.

Hebreu 3:13

Alioze lishinjilenu umwe ni mukwo ni mukwo tangwa ha tangwa, shimbu lieswe analivuluka ngwo, Musono, hanga niumwe wa kuli yenu kechi kakala ku kwonga cha shili.

Hebreu 4:1

Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono.

Hebreu 6:2

ni ya longeso lia kusana, ni ya kusayika cha moko, ni ya Uhindukilo wa afu, ni ya upatwilo wa mutolo.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,

Tiangu (Jake) 2:19

Yena Unafuliela ngwe Zambi kapwa umuwika; unalingi kanawa: andemoniu nawa kakufuliela nikuchikima.

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.

2 Petulu 1:6

Ha yinyingi yenu, wezenu kusúla; ha kusúla chenu wezenu kunyongonona; ha kunyongonona chenu wezenu uwayilo;

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:7

Yenu ana akepe, niumwe kanda akanwonga: yoze wakulingalinga ululi iye mukwa ululi, chizechene ngwe iye mukwa ululi.

1 Samuel 12:7

Kashika manenu haliapwila nguhanjike ni yenu kumeso ja Yehova ha kutwala ku yitanga yeswe ya ululi ya Yehova, yize anulingilile, ni yenu ni tulamba twenu.