Yilinga 24:24 - MUKANDA USANDU WA ZAMBI 1975

²⁴ Kulutwe lia matangwa amwe, Fwelishia wahetele hamwe ni mukwo-pwo Ndrusela, iye Ka-Yunda, yasaka Paulu, yamwivwa ha kutwala ku Ufulielo muli Kristu Yesu.

Mukanda Wa Zambi 1970

²⁴ Muze matangwa amwe haabalika, Felix yaheta hamwe ni mukwo pwo Drusila, Kayuda. Yasaka Paulu, yamwivwa hakutwala ku kufuliela Kristu Yesu.

Yilinga 24:24 Iomraidhean Croise

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Luka 19:3

Wafupile kumona Yesu chize apwa; alioze kahashile mumu ha mbunga, mumu wapwile mwihi.

Luka 23:8

Achi, muze Heronde amwene Yesu, wawahililile chikolo; mumu ha shimbu linene wazangile kumumona, mumu wevwile kulu ha kutwala kuli iye; iye wataliletalile akamumone kulinga chilayi chimwe.

Yilinga 16:31

O ambile ngwo, Fuliela Mwene Yesu Kristu, mba kumakakulamwina, yena ni akwa zuwo lie.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

Yilinga 26:22

Se Zambi wangukwasa, hingunamana nikujikiza ndo ku tangwa lino, nikushindakenya kuli akepe ni anene, nikwamba nichimwe chuma chikwo shina yuma yize ambile aprofeta ni Mose ngwo, Kumuyiza;

Galashia 2:16

hindu nikunyingika ngwetu, Mutu keshi kumusambisa ku yitanga ya shimbi, alioze ha kufuliela Yesu Kristu, chipwe yetu twafulielele Kristu Yesu, hanga akatusambise kuufulielo kuli Kristu; hi ku yitanga ya shimbi ko: mumu ku yitanga ya shimbi kechi kasambisa niumwe.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Galashia 3:2

Chino wika ngunazange kunyingika kuli yenu ngwami, Nwatambwile Spiritu ku yitanga ya shimbi, nyi, shina ku kwivwa cha Ufulielo?

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.

Yuda 1:3

Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

Usolwelo 14:12

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.