Yilinga 24:17 - MUKANDA USANDU WA ZAMBI 1975

¹⁷ Achi, kulutwe lia miaka yinji nahetele mukuhana yawana ni milambu ku vungu liami:

Mukanda Wa Zambi 1970

¹⁷ “Miaka yinji yabalikile yize chabwile ko ku Yerusaleme. Mba yinguya ko nikwaha vungu liami yawana ni kulambula Zambi milambu.

Yilinga 24:17 Iomraidhean Croise

Yilinga 20:16

Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 21:26

Hohene Paulu watwalile e malunga, ni ha tangwa likwo, ha kulipemesa hamwe no, wanjilile mu tembele, nikusolola ngwe kumanunuka cha matangwa a kupemesa, ndo malambula chitapo hali ayo eswe mutu ni mutu.

Yilinga 24:26

Alioze wanyongene nawa hanji Paulu mamwaha mbongo: kashika nawa watumine kanji kanji, akalishimwinyine nenyi.

A-ROMA 15:31

hanga ngukapuluke kuli waze keshi kwononoka mu Yundeya, ni uvumbiko wami uze nguli nawo hali akwa Yerusaleme, ukapwe wa kupemena chikolo kuli asandu.

2 Korintu 8:6

Chocho twaliumbile kuli Titu, hanga chizechene ngwe aputukile kulu, chocho nawa akamanunune muli yenu vumbi lino nawa.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

2 Korintu 9:12

Mumu kuvumbika chino kuchishi kuyukisa asandu ni yize anahono wika, alioze kuchakulumbama nawa ku kusakwila chinji kuli Zambi;

Galashia 2:10

Chino wika, ngwo, Tukewuluke yiswale; chuma chino chene ni yami nawa nasele mbunge yami kulinga.