Yilinga 24:16 - MUKANDA USANDU WA ZAMBI 1975

¹⁶ Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Mukanda Wa Zambi 1970

¹⁶ Che chikuma chino ni yami nawa nakulifumba, hanga ngukabwe ni mbunge yibema ku meso ja Zambi ni atu.

Yilinga 24:16 Iomraidhean Croise

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

A-ROMA 2:15

waze kakulwcza chitanga cha shimbi chakusonewa mu mbunge jo, mbunge jo nawa se jinashindakenya hamuwika, ni malinjekela jo kanaasumu hanji kanaasambisa hakachi ko);

A-ROMA 9:1

Ngunambe umwenemwene muli Kristu, chahanjikile mahuza, mbunge yami yakushindakenya hamwe ni yami muli Spiritu Musandu,

1 Korintu 10:32

Kanda nukapwa chitalingiso chipwe kuli A-Yunda, chipwe kuli A-Ngresia, chipwe ku chikungulwila cha Zambi, ka:

1 Korintu 4:4

Mumu Chanyingikine nichimwe cha kulihisa nacho; hindu chishi kusamba ni chino: alioze yoze wakungupatwila, mwe Mwene.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.

1 Timoteu 1:19

Ukakakaminye ku Ufulielo ni mbunge yipema; amwe se hanalichinjiyo, asakaminyine mu jila ha kutwala ku Ufulielo.

1 Timoteu 1:5

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

1 Timoteu 3:9

akwa kulalaminya ku chijimbikilo cha Ufulielo ni shimbi yipema ya mbunge.

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

Titu 1:15

Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

1 Petulu 2:19

Mumu chino chinapemena kachi ha shimbi ya mbunge kuli Zambi, umwe manyongonona mu yinyengo, nikwivwa lamba, hi ha chitela chenyi ko.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;