Yilinga 24:14 - MUKANDA USANDU WA ZAMBI 1975

¹⁴ Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Mukanda Wa Zambi 1970

¹⁴ Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

Yilinga 24:14 Iomraidhean Croise

1 Sango Ja Mianangana 29:18

Yehova, Zambi ya tulamba Apalahama, ni Izake, ni Izalele, funga kupala chino mu manyonga ja mbunge ja atu je, ukasongwele mbunge jo kuli yena.

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Kutuhuka 3:15

Chikwo ambile Zambi kuli Mose ngwenyi, Chocho ukambe kuli A-Izalele ngwe, Yehova, Zambi ya tulamba twenu, Zambi ya Apalahama, Zambi ya Izake, Zambi ya Yakomba hangutuma kuli yenu ngwenyi, Jina liami lino, ndo ku miaka ya mutolo. Chiwulwiso chami chino ndusu yisemuko yeswe.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

Mateu 10:32

Mweswawo kashika mangutayiza kumeso ja atu, yami nawa kumungukamutayiza kumeso ja Tata yoze uli mu malilu.

Mateu 22:40

Ha maliji ano aali a shimbi, shimbi yeswe lukombo ni mikanda ya aprofeta yinakolo.

Mateu 7:12

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

Luka 1:70

(Chizechene ngwe ahanjikile ku makanwa ja aprofeta jenyi asandu, waze apwile chize ku miakulwila),

Luka 16:16

Shimbi ni aprofeta apwile ndo kuli Yoano; chize ku mwaka uze, kanambulula sango lipema lia wanangana wa Zambi, ni mweswe kananjilamo ni tachi.

Luka 16:29

Alioze Apalahama yamba kuli iye ngwenyi, Mikanda ya Mose ni ya aprofeta kali nayo, akayivwe.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 1:45

Fwilipe yawana Natanele, yamba kuli iye ngwenyi, Hitunawane yoze asonekene Mose mu mikanda ya shimbi, ni aprofeta nawa, Yesu wa ku Nazare, mwana José.

Yilinga 10:43

Kuli iye aprofeta eswe kakushindakenya ngwo, Ku jina lienyi mweswawo mamufuliela makatambula ukonekeno wa milonga.

Yilinga 13:15

Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 19:23

Kwapwile ha mwaka uze wene Chizungozungo chinene ha kutwala ku Jila yino.

Yilinga 19:9

Alioze muze amwe akalile, kononokene, nikuhanjika chipi ha Jila yino kumeso ja chizavu, wakatukile kuli ayo, wahandunwine tumbaji, nikuhanjika ni atu tangwa ha tangwa mu shikola ya Teranu.

Yilinga 22:14

Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi.

Yilinga 24:22

Fwelishia, nikunyingika pundu ha kutwala ku Jila yino, waashimbwishile, ngwenyi, Muze manjolo Leshia mapalumuka, mungukasopa chikuma chenu.

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Yilinga 25:8

Paulu ha kulisambisa, wambile ngwenyi, Chipwe shimbi ya A-Yunda, chipwe tembele, chipwe Sesare, chavulumwine nichimwe.

Yilinga 26:22

Se Zambi wangukwasa, hingunamana nikujikiza ndo ku tangwa lino, nikushindakenya kuli akepe ni anene, nikwamba nichimwe chuma chikwo shina yuma yize ambile aprofeta ni Mose ngwo, Kumuyiza;

Yilinga 26:27

Mwanangana Akripa, Unafuliela aprofeta, nyi? Ngunanyingika Unafuliela.

Yilinga 26:4

Ndako jami, chize ku ukweze wami, kwe ku uputukilo, japwile hakachi ka vungu liami mu Yerusaleme, A-Yunda eswe kanajinyingika;

Yilinga 26:6

Haliapwila ngunamana angupatwile mumu ha kutalatala cha chilakenyo chize alakenyene Zambi kuli tulamba twetu;

Yilinga 28:22

Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Yilinga 5:30

Zambi ya tulamba twetu wahindwishile Yesu, yoze nwashihile ha kumuzezeleka ha mutondo.

Yilinga 7:32

ngwo, Zambi ya tulamba twe yami, Zambi ya Apalahama, ya Izake, ya Yakomba. Ni Mose wachikimine, kahamukineko kutala.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

A-ROMA 3:21

Alioze haliapwila hanasolola ululi wa Zambi, kuushi shimbi, kanaushindakenya ku shimbi ni aprofeta;

1 Korintu 11:19

Mumu chatamba kupwa kulihandununa nawa hakachi kenu, hanga waze maasela Shindakenyo yipema akasoloke hakachi kenu.

Galashia 5:20

ni kukombelela mahamba, ni kupanda, ni kole, ni vunda, ni ukwa, ni ufwatulo, ni kulipula, ni kulimanangana, ni kulihandununa,

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

Titu 3:10

Mukwa kuhandunwona muze hiwanukanjisa kashi, kaali, lituneye,

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.