Yilinga 24:10 - MUKANDA USANDU WA ZAMBI 1975

¹⁰ Muze nguvulu amulahwile ahanjike, Paulu wakumbulwile ngwenyi, Se ngunanyingika ngwe ha miaka yinji yena wapwa sopi ku vungu lino, ngunalisambisa ni kuwaha chahiana.

Mukanda Wa Zambi 1970

¹⁰ Muze mukwa kuyula hatenya Paulu ni mutwe hanga ahanjike, Paulu yamba ngwenyi: “Ngunanyingika ngwami, yena uli ngaji mukulu wa vungu lino. Kashika ngunalisambisa ku meso je ni chiseke.

Yilinga 24:10 Iomraidhean Croise

Luka 12:11

Muze manuneha kumeso ja masunangonga ni mianangana ni akwa kuyula, kanda nulipikala ha chize numukumbulula, hanji chize munukamba:

Luka 12:14

Alioze wambile kuli iye ngwenyi, Lunga, iya wangupwishile ngaji hanji mukwa kwanyina hakachi kenu?

Luka 18:2

ngwenyi, Kwapwile umwe sopi mu limwe limbo, yoze kevwile woma wa Zambi, kalemesene atu.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 13:16

Mba Paulu wakatukile, iye nikulahula ni kwoko lienyi, wambile ngwenyi, A-Izalele, ni yenu nwakwivwa woma wa Zambi, ivwenu:

Yilinga 18:15

Alioze se hichapwa yihula ha maliji ni majina ni shimbi ya yenwene, chitalenu yenwene; yami chisolo kusopa yino yuma.

Yilinga 19:33

O asenyesene kulutwe Alezandre hakachi ka mbunga, A-Yunda nikumushinjika kulutwe. Alezandre walahwile ni kwoko lienyi, wafupile kulisambisa kuli atu.

Yilinga 21:40

Muze te hamutayiza, Paulu, nikumana ha ndondelo, walahwile ni kwoko lienyi kuli atu; o muze te hahola kulu, wahanjikile kuli ayo mu limi lia Hepreu, ngwenyi,

Yilinga 23:24

iye waambile alulike yimbulu, hanga akatwamiseho Paulu, mukumumbata kawape ndusu kuli nguvulu Fwelishia.

Yilinga 26:1

Ni Akripa wambile kuli Paulu ngwenyi, Kanakutayiza ulihanjikile yena mwene. Hohene Paulu wolwele kwoko lienyi, walisambishile ngwenyi,

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.

1 Samuel 2:25

Nyi mutu mavulumuna mutu ni mukwo, ngaji mamupatwila. Alioze nyi mutu mavulumuna Yehova iya mamuhakwila? Hindu kapanjikile liji lia tato. Mumu te Yehova kanazange kwashiha.