Yilinga 23:9 - MUKANDA USANDU WA ZAMBI 1975

⁹ Kwapwile zungo linene: mba amwe akwa kusonyeka a kuli A-Fwariseu akatukile nikulihangulula chikolo, ngwo, Kutwawanyine yipi muli yono mutu: kachi Spiritu hanahanjika kuli iye, hanji mungelo, kanda tulitachika ni Zambi.

Mukanda Wa Zambi 1970

⁹ Yikubwa zungo linji. Amwe alongeshi a Shimbi, a ku mbunga ya Afariseu, yaakatuka nikuhamika chikolo ngwo: “Kutushi kuwana chibi nichimwe muli yono mutu. Tangwa likwo mwiku wa Zambi hanji kanganda ka mwilu unakahanjika nenyi.”

Yilinga 23:9 Iomraidhean Croise

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Jeremia 26:16

Mba alemu ni atu eswe yamba kuli asasendote ni aprofeta ngwo, Yono mutu katelele kufwa mumu hanahanjika kuli yetu mu jina lia Yehova Zambi yetu.

Marku 2:16

Akwa kusonyeka ni A-Fwariseu, muze amwene ngwe alile hamwe ni yivulumunyi ni akwa kufwetesa lijimu, ambile kuli tumbaji twenyi, ngwo, Ngwe kuchi akulia ni kunwa hamwe ni akwa kufwetesa lijimu ni yivulumunyi?

Luka 23:22

Iye wambile kuli ayo chisuho chamuchitatu ngwenyi, Kuchi te, chipi chika hanalingi? Chawanyine chitela cha kufwa muli iye, nichimwe; mungumulamba ni shikote, ngumutusule.

Luka 23:4

Pilatu wambile kuli asasendote akwa lutwe ni mbunga ngwenyi, Chawanyine chitela nichimwe muli yono mutu.

Luka 5:30

A-Fwariseu ni akwa kusonyeka jo alinyenyetene hali tumbaji twenyi, nikwamba ngwo, Kuchi te nunali, nunanu hamwe ni akwa kufwetesa lijimu ni yivulumunyi?

Yoano 12:29

Mbunga kashika, yize amanyineko, o evwile, ambile ngwo, Kunakulunguza: akwo ambile ngwo, Mungelo kahanjika kuli iye.

Yilinga 11:17

Nyi Zambi waahele chawana chimuwika watuhele yetu nawa, muze twafulielele Mwene Yesu Kristu, mba yami iya munguhasa kukanda Zambi?

Yilinga 22:6

Shimbu nendele mu wenyi nikukundama ku Ndamaseku, ngwe tangwa ha muchima, susumuku mwahenyene mwilu pangu linene ha kungujingilika.

Yilinga 22:7

Nalimbukile hashi, yingwivwa liji lia kwamba kuli yami ngwo, Saulu, Saulu, kuchi te unanguhungumiona?

Yilinga 23:29

Ngunakamuwana kusumiwa ha yihula ya shimbi yo; alioze kasumiwineko ha chimwe cha kutela kufwa hanji malenge.

Yilinga 23:8

Mumu A-Satuseu kakwamba ngwo, Uhindukilo wakuhi niumwe, chipwe mungelo, chipwe Spiritu, ka; alioze A-Fwariseu kakutayiza yino yeswe.

Yilinga 25:25

Alioze nawanyine ngwe kalingile nichimwe cha kutela kufwa. Se iye mwene waukunjikile kuli Angusetu, napatwile kumutuma.

Yilinga 26:31

Muze te haya ku tenga alihanjikile umwe kuli mukwo ni mukwo ngwo, Yono mutu kalingile nichimwe cha kutela kufwa hanji malenge.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

Yilinga 5:39

alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.

Yilinga 9:4

Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona?

1 Korintu 10:22

Shina mutwihia Mwene ku ukwa, nyi? Tunakangana kuhiana iye, nyi?

1 Samuel 12:5

Iye yamba kuli ayo ngwenyi, Yehova chela kuli yenu, ni yono hanawayisa ni maji iye nawa chela musono cha kwamba ngwenu, Kutwawanyine nichimwe mu kwoko lienyi, nyi? O ngwo, Iye chela.

1 Samuel 24:17

Yamba kuli David ngwenyi, Wanguhiana ni ululi, mumu yami nakukulinga yipi, ena wakungulinga yipema.