Yilinga 23:6 - MUKANDA USANDU WA ZAMBI 1975

⁶ Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu.

Mukanda Wa Zambi 1970

⁶ Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

Yilinga 23:6 Iomraidhean Croise

Mateu 10:16

Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Mateu 22:23

Ha tangwa lize, A-Satuseu ejile kuli iye, waze akwamba ngwo, Uhindukilo wa afu wakuhi niumwe: no amuhulile ngwo,

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 22:30

Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.

Yilinga 22:5

Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 23:15

Haliapwila kashika yenu, ni akwa kuyula, ambululenu kuli manjolo hanga hamene akamupalumwise kuli yenu, ngwe munusela chinyingi pundu ha kutwala kuli iye; ni yetu tunazange kumushiha shimbu kanda akundama.

Yilinga 23:20

Iye wambile ngwenyi, A-Yunda hanalitesa kukulembela hanga hamene ukapalumwise Paulu kuli akwa kuyula, ngwe mahula pundu yuma yenyi.

Yilinga 23:7

Muze te hamba chino, kwapwile Chizungozungo hakachi ka A-Fwariseu ni A-Satuseu; chizavu ahandunukine.

Yilinga 24:15

nguli ni kutalatala kuli Zambi, chize ayo ene nawa kanachilawoka, ngwe kumukukapwa Uhindukilo wa eswe aali, ni akwa ululi ni yihenge.

Yilinga 24:21

shina ha liji lino limuwika nakololokele nikumana hakachi ko ngwami, Kanangusopesa kuli yenu tangwa lino ha kutwala ku Uhindukilo wa afu.

Yilinga 28:20

Kashika ha chikuma chino hinanutambika nwize kuli yami, ngunumone, nguhanjike ni yenu: mumu ha kutalatala cha akwa Izalele ngunakashiwa ni lenge lino.

Filipu 3:5

Angupwishile ngalami ha tangwa liamuchinake, wa ku munyachi wa Izalele, wa ku vungu lia Mbenjamine, Ka-Hepreu hakachi ka A-Hepreu, ha kutwala ku shimbi, Ka-Fwariseu.

Kolosu 1:5

Mumu ha kutalatala chize hananutulikila mu malilu; ha chino nwevwile kulu mu liji lia umwenemwene wa sango lipema.

Hebreu 6:19

Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina;