Yilinga 23:34 - MUKANDA USANDU WA ZAMBI 1975

³⁴ Muze te nguvulu hautanga, wahulile chifuchi chize anakatuka; muze anyingikine wakatukile ku Selishia,

Mukanda Wa Zambi 1970

³⁴ Muze mukwa kuyula hatanga mukanda, yahula Paulu chifuchi chenyi. Ha kunyingika ngwenyi, kali wa ku Silisia,

Yilinga 23:34 Iomraidhean Croise

Estere 1:1

Chapwile ha matangwa a Ahashueru (mwe Ahashueru yono wayulile chize ku India ndo ku Etiopia helu lia kulakaji lia yifuchi ni makumi aali a yifuchi ni yifuchi shimbiali),

Estere 8:9

Henaho yasanyika akwa kusonyeka a mwanangana, ha kakweji wamuchitatu (Sivane), ha tangwa makumi aali ni wamuchitatu. Yasoneka nikulita ni liji lia Mordekai kuli A-Yunda, ni kuli akwa kuyula, ni anguvulu, ni alemu a mu yifuchi, chize ku India ndo ku Etiopia—kulakaji ni makumi aali a yifuchi ni yifuchi shimbiali. Yasoneka ku yifuchi yeswe nikulita ni sona jako; kuli atu eswe nikulita ni limi lio; kuli A-Yunda nikulita ni sona jo ni limi lio.

Daniel 2:49

Daniel yeta kuli mwanangana, mba yasela Shadrake, ni Meshake, ni Abedenego helu lia yiyulo ya provincia ya Babilonia; alioze Daniel watwamine ku zuwo lia mwanangana.

Daniel 6:1

Chapemenene Dariu kusa ku chiyulo cha wanangana kulakaji lia yilolo ni makumi aali a yilolo akapwe kweswe ha wanangana.

Luka 23:6

Alioze muze Pilatu evwile ngwo, Ngalileya, wahulile kachi mwe lunga, Ka-Ngalileya.

Yilinga 15:41

Iye wapalikile ndusu mu Seria ni Selishia, nikutakamisa yikungulwila.

Yilinga 21:39

Alioze Paulu wambile ngwenyi, Yami nguli Ka-Yunda wa ku Tarsu, mwenya limbo lilemu lia mu Selishia; ngunaliumbu kuli yena, ngutayize kama nguhanjike kuli atu.

Yilinga 25:1

Fesetu kashika, se wahetele ku chifuchi chenyi, kulutwe lia matangwa atatu wakatukile ku Serarea, wakandukile ku Yerusaleme.

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.