Yilinga 23:21 - MUKANDA USANDU WA ZAMBI 1975

²¹ Kanda uatayiza kashika; mumu makumi awana a kuli malunga aze anamujikinyina, waze hanalishingi ngwo, Kutuchi kulia chipwe kutuchi kunwa ndo hitwamushiha; haliapwila kanalulika nikutala chilakenyo cha yena.

Mukanda Wa Zambi 1970

²¹ Alioze kanda waatayiza kwe, mumu malunga kuhiana makumi awana anamujikinyina. Haanalishingi ngwo: ‘Kutuchi kalia chibwe kunwa ndoo hitwamushiha.’ Haliabwila haalilulika. Kaanatwaminyina kumbululo lie.”

Yilinga 23:21 Iomraidhean Croise

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Luka 11:54

nikumujikinyina, nikufupa kukwata chuma chimwe mu kanwa lienyi hanga amusume.

Yilinga 20:19

nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda;

Yilinga 23:22

Manjolo kashika washikile ni mukweze nikumwaha koki ngwenyi, Kanda uhanjika kuli niumwe ngwe hiwasolola yino yuma kuli yami.

Yilinga 25:3

aliumbile kuli iye akamunehe ku Yerusaleme; kanamujikinyina mukumushiha mu jila.

A-ROMA 9:3

Mumu ngunahase kulemba yami mwene ngushingiwe kuli Kristu mumu hali mandumbu jami, usoko wami nikulita ni musunya;

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;