Yilinga 23:16 - MUKANDA USANDU WA ZAMBI 1975

¹⁶ Alioze mwihwa wa Paulu, wevwile ha kujikinyina cho, iye wayile, wanjilile mu mbonge, wambulwile kuli Paulu.

Mukanda Wa Zambi 1970

¹⁶ Alioze mwihwa wa Paulu yevwa kujikinyina cho. Neye yaya ku zuwo lia tujita, yanjila, yambulwila Paulu maliji waze.

Yilinga 23:16 Iomraidhean Croise

2 Samuel 17:17

Jonatas ni Ahimaze yatwama hakamwihi ni Ene-Rogele. Umwe ngamba wa pwo wapwile nikuyaya nikwatwala liji. O yaya nikwambulwila mwanangana David kuchina maamona nikunjila mwimbo.

Jobe 5:13

Kakukwata akwa mana ha kukanyama cho; kakusulisa nikawashi kuhala cha akwa malinjekela.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Yishima 24:15

Ena chingulungulu kanda ujikinyina zuwo lia mukwa ululi; kanda upupa muma mwenyi mwa kuhwimina.

Lungungu 3:37

Iya hatumina chuma mba hichapwa, ndo Mwene wachifunjikile?

Yilinga 21:34

alioze amwe akalumiokene chuma chimwe, amwe akalumiokene chuma cheka hakachi ka mbunga: muze kahashile kunyingika pundu mumu ha vunda, wambile amunjise mu mbonge.

Yilinga 21:37

Alioze shimbu te himamunjisa mu mbonge, Paulu yamba kuli manjolo ngwenyi, Ngutayize kama ngwambe chuma chimwe kuli yena. Iye wambile ngwenyi, Yena unahanjika Ngresia, nyi?

Yilinga 23:10

Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.

Yilinga 23:17

Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila.

Yilinga 23:32

Mba muze hikwacha ahichikile akwa tuvwalu kuya hamwe nenyi, o ahilukile ku mbonge:

Yilinga 24:23

Iye wambile kapitau akafunge Paulu, alioze amulweze vumbi, kanda akakwika niumwe wa kuli tusendo twenyi kumuvumbika.

1 Korintu 3:19

Mumu mana ja hano hashi kanapu uhepuke kuli Zambi. Mumu chinasonewa ngwo, Kakukwata akwa mana ni kalimbavuli ko ene.