Yilinga 23:12 - MUKANDA USANDU WA ZAMBI 1975

¹² Muze hikwacha amwe a kuli A-Yunda atwahile nikulishinga ngwo, Kutuchi kulia chipwe kunwa ndo hitwashiha Paulu.

Mukanda Wa Zambi 1970

¹² Muze hikwacha, Ayuda yaatwama punga ni kulishinga ngwo: “Kutuchi kulia chibwe kunwa ndoo hitwashiha Paulu.”

Yilinga 23:12 Iomraidhean Croise

Ubutukilo 37:18

O yamumona kusuku, mba shimbu kanda achiheta kuli ayo yamutwama punga akamushihe.

1 Yitanga Ya Mianangana 19:2

Henaho Jezebele yatuma mukeji kuli Eliya ngwenyi, Nyi chapwishile mwono we ngwe mwono wo ha ola yino hamene, mazambi achilinge kuli yami, akawezeko nawa.

1 MIANANGANA 6:31

Henaho mwanangana yamba ngwenyi, Nyi mutwe wa Elisha mwana Sefate mapwa nawo musono, Zambi achilinge kuli yami nikuwezaho nawa.

Nehemia 10:29

o yalifutula ni akwo, ni alemu jo, akalikase ni shingo ni chilakenyo kwenda mu shimbi ja Zambi, jize Mose kavumbi ka Zambi wajihanyine, akafunge ni kulinga maliji eswe a Yehova Mwene wetu, hamwe ni upatwilo wenyi ni yiyulo yenyi.

Estere 2:22

Mordekai yachivwa, yachilweza kuli mwazovu Estere, mba Estere yachilweza kuli mwanangana mu jina lia Mordekai.

Miaso (Masamu) 31:13

Mumu hinevwa kulamikiza cha anji, ni woma sali ni sali, shimbu mangutwama punga. Alitesele kuchiza mwono wami.

Jeremia 11:19

Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Jeremia 44:25

Yehova-wa-Tujita, Zambi ya Izalele kanambe ngwenyi, Enu ni mapwo jenu hinwamba ni makanwa jenu ni kuchilinga ni moko jenu ngwenu, Kumutukalinga yilakenyo yetu ya shingo yize hitwalakenya tukochele insensu mwe mwanangana wa pwo wa malilu nikumuzujila milambu ya kunwa. Hikolesenu yilakenyo yenu, nukayilinge.

Alevi 27:29

Niumwe hamutumbikila ni shingo kumwonwona hakachi ka atu kanda amukula. Akamushihe lume.

Mateu 26:4

Atwamine punga hanga akakwate Yesu ni kalimbalimba, akamushihe.

Mateu 26:74

Hohene waputukile kushingana ni kulishinga ngwenyi, Chanyingikine yono mutu. Haze hene ndemba watambikile.

Mateu 27:25

Atu eswe akumbulwile, ngwo, Manyinga jenyi akapwe hali yetu ni hali ana jetu.

Yilinga 23:13

Ahianyine makumi awana waze alishingile.

Yilinga 23:14

O ayile kuli asasendote akwa lutwe ni akwa kuyula, nikwamba ngwo, Yetu hitunalishingi ni shingo linene, ngwetu, Kutuchi kapanjika kulia nichimwe ndo hitwashiha Paulu.

Yilinga 23:21

Kanda uatayiza kashika; mumu makumi awana a kuli malunga aze anamujikinyina, waze hanalishingi ngwo, Kutuchi kulia chipwe kutuchi kunwa ndo hitwamushiha; haliapwila kanalulika nikutala chilakenyo cha yena.

Yilinga 23:30

Muze hachisolola kuli yami ngwe mukukapwa utwahe wa A-Yunda hali yono lunga, hohene namutumine kuli yena, nikuhana shimbi nawa kuli waze akumusuma, akambe kumeso je yuma yize amuli nayo. Muoyowenu!

Yilinga 25:3

aliumbile kuli iye akamunehe ku Yerusaleme; kanamujikinyina mukumushiha mu jila.

Yilinga 9:23

Muze matangwa anji amanunukine, A-Yunda atwamine punga akamushihe:

Yilinga 9:24

alioze liji lia kujikinyina cho liahetele kuli Saulu. O alayile yajilo nawa, mwalwa ni ufuku hanga akamushihe.

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.

Yoshua 6:26

Yoshua waasele shingo tangwa lize ngwenyi, Mweswe makatuka kutunga chihunda chino cha Yeriku akashingiwe kuli Yehova. Masela fundamentu mu kufwa cha mwanenyi mutangu, Masaho mapito mu kufwa cha mwanenyi wasula.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:15

Mba yoze mamuwana ni ye yuma yajila akamwoche ni kahia, ni mwene ni yuma yenyi yeswe, mumu hanatangula usendo wa Yehova. Chikwo nawa hanalingi chuma cha kukolesa sonyi mu Izalele.

1 Samuel 14:24

Malunga a Izalele alifwichile chikolo tangwa lize, mumu Saulu hasa shingo hali atu ngwenyi, Mweswe malia chimwe chuma ndo ngoloshi, ndo hinalikala hali akwa kole jami, ashingiwe! Kashika niumwe hakachi ka atu kalile nichimwe cha kulia.