Yilinga 23:11 - MUKANDA USANDU WA ZAMBI 1975

¹¹ Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Mukanda Wa Zambi 1970

¹¹ Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

Yilinga 23:11 Iomraidhean Croise

Miaso (Masamu) 109:31

Mumu iye kumakamana ku chindume cha mukwa kuhona akamulamwine kuli waze akusopesa mbunge yenyi.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Yoano 14:18

Chichi kanuhichika ana-ashiwa; mungwiza kuli yenu.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yilinga 18:9

Mwene wambile kuli Paulu ha ufuku mu usolwelo ngwenyi, Kanda ukevwa woma, alioze hanjika, kanda ukahola:

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 2:25

Mumu David yamba ha kutwala kuli iye ngwenyi, Namwene mwe Mwene kumeso jami matangwa eswe; mumu iye kwali ku kwoko liami lia chindume, hanga chichi kakokoloka;

Yilinga 20:22

Haliapwila, talenu, ngunayi wa kukasa mu Spiritu ku Yerusaleme, Chanyingikine yuma yize muyikanguwanako:

Yilinga 22:15

Mumu kumukapwa chela hali iye kuli atu eswe, ha chize hiwamona, ni chize hiwevwa.

Yilinga 22:18

namumwene, kanambe kuli yami ngwenyi, Lipupwise, ukatuke nikawashi ku Yerusaleme, mumu kechi katambula Shindakenyo ye hali yami.

1 Korintu 9:1

Yami hi nguli postolo ko, nyi? Hi nguli mukwa kutusuka ko, nyi? Chamwene Yesu Mwene wetu, nyi? Yenu hi nuli chitanga chami muli Mwene ko, nyi?

Filipu 1:13

Chocho makana jami asotokele muli Kristu hakachi ka maswalale a Sesare, ni kuli akwo eswe.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.