Yilinga 23:1 - MUKANDA USANDU WA ZAMBI 1975

¹ Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Mukanda Wa Zambi 1970

¹ Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 23:1 Iomraidhean Croise

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Yilinga 22:1

Mandumbu ni atata, ivwenu haliapwila kulisambisa chami kuli yenu.

Yilinga 22:30

Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.

Yilinga 22:5

Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.

Yilinga 23:15

Haliapwila kashika yenu, ni akwa kuyula, ambululenu kuli manjolo hanga hamene akamupalumwise kuli yenu, ngwe munusela chinyingi pundu ha kutwala kuli iye; ni yetu tunazange kumushiha shimbu kanda akundama.

Yilinga 23:20

Iye wambile ngwenyi, A-Yunda hanalitesa kukulembela hanga hamene ukapalumwise Paulu kuli akwa kuyula, ngwe mahula pundu yuma yenyi.

Yilinga 23:28

Mba nikuzanga kunyingika chitela chize amusumine, ngunakamupalumwisa kuli akwa kuyula jo.

Yilinga 23:6

Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu.

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Yilinga 6:15

Ni waze eswe atwamine mukuyula, ha kumuhulikila meso amwene meso jenyi ngwe ku meso ja mungelo.

1 Korintu 4:4

Mumu Chanyingikine nichimwe cha kulihisa nacho; hindu chishi kusamba ni chino: alioze yoze wakungupatwila, mwe Mwene.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

Hebreu 13:18

Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.