Yilinga 22:8 - MUKANDA USANDU WA ZAMBI 1975

⁸ Nakumbulwile ngwami, Mwene, yena iya? Iye wambile kuli yami ngwenyi, Yami Yesu, Ka-Nazare, yoze yena unamuhungumiona.

Mukanda Wa Zambi 1970

⁸ Yingukumbulula ngwami: ‘Mwene, yena iya?’ Yangulweza ngwenyi: ‘Yami nguli Yesu Kanazare, yoze wakuhungumiona.’

Yilinga 22:8 Iomraidhean Croise

Zakaria 2:8

Mumu Yehova-wa-Tujita wambile muze te uhenya wenyi wangutumine ku mavungu aze anupupile, (mumu yoze manusunga chapwa ngwe kunguchoka mu katumba ka liso),

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 25:45

Hohene makaakumbulula ngwenyi, Pundu ngwami, Mumu te kunwachilingile kuli umwe wa kuli wano akepe ahiana eswe, kunwachilingile kuli yami.

Yilinga 10:14

Alioze Petulu wambile ngwenyi. Ka, hi chocho ko, Mwene, se Chalile nichimwe chipi hanji cha luchisa nilimwe tangwa.

Yilinga 22:7

Nalimbukile hashi, yingwivwa liji lia kwamba kuli yami ngwo, Saulu, Saulu, kuchi te unanguhungumiona?

Yilinga 26:9

Yami chamwenemwene nashinginyekene changutamba kulinga yuma yinji ya kulimika ni jina lia Yesu Ka-Nazare.

Yilinga 3:6

Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

1 Korintu 12:12

Mumu chizechene ngwe mujimba unapu umuwika, ni yihanda yinji ukwete, ni yihanda yeswe ya mujimba nikupwa yinji yinapu mujimba umuwika; chocho nawa Kristu.

1 Samuel 8:7

Yehova yamba kuli Samuel ngwenyi, Panjika kuli atu, liji lieswe makwamba, mumu kalitunyine yena, alioze yami analitunu. Kazangile ngupwe mwanangana wo.