Yilinga 22:30 - MUKANDA USANDU WA ZAMBI 1975

³⁰ Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.

Mukanda Wa Zambi 1970

³⁰ Mwata wa tujita yazanga kunyingika pundu chikuma chize Ayuda asuminyine Paulu mulonga. Kashika muze hikwacha, yamujitula ngoji. Yahana Shimbi kuli mahako a lutwe ni Mbunga ya Ngaji ja Ayuda kulikungulula. Mba yaneha Paulu, yamusa ku meso jo.

Yilinga 22:30 Iomraidhean Croise

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Mateu 27:2

Amukashile, amutwalile, akamukunjike kuli nguvulu Pilatu.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Yilinga 21:33

Hohene manjolo wakundamine, wamukwachile, wambile amukase ni malenge aali; iye wahulile jina lienyi, ni chize alinga,

Yilinga 22:5

Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 23:15

Haliapwila kashika yenu, ni akwa kuyula, ambululenu kuli manjolo hanga hamene akamupalumwise kuli yenu, ngwe munusela chinyingi pundu ha kutwala kuli iye; ni yetu tunazange kumushiha shimbu kanda akundama.

Yilinga 23:20

Iye wambile ngwenyi, A-Yunda hanalitesa kukulembela hanga hamene ukapalumwise Paulu kuli akwa kuyula, ngwe mahula pundu yuma yenyi.

Yilinga 23:28

Mba nikuzanga kunyingika chitela chize amusumine, ngunakamupalumwisa kuli akwa kuyula jo.

Yilinga 23:6

Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu.

Yilinga 26:29

Paulu wambile ngwenyi, Nyi chikepe nyi chinji, ngunazange kuli Zambi, hi yena wika ko, alioze waze eswe anangwivu tangwa lino akapwe chizechene ngwe yami, alioze malenge ano, ka.

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.