Yilinga 22:26 - MUKANDA USANDU WA ZAMBI 1975

²⁶ Muze kapitau achivwile, wayile akachambulule kuli manjolo ngwenyi, Kuchi unambe kulinga? Mumu yono mutu Ka-Roma.

Mukanda Wa Zambi 1970

²⁶ Ha kwivwa liji lino, mwata wa tujita yaya ni kuhula mwata wenyi ngwenyi: “Kuchi unambe kulinga? Mutu yono kali mwenyaho wa ku wanangana wa Aroma!”

Yilinga 22:26 Iomraidhean Croise

Yoano 18:12

Ye mbunga kashika hamwe ni kapitau, ni tupita twa A-Yunda akwachile Yesu, amukashile.

Yilinga 22:25

Alioze shimbu machimukesa ni yikapa, Paulu wambile kuli kapitau, yoze wamanyineko ngwenyi, Kuchinate ni shimbi kulamba ni shikote mutu Ka-Roma shimbu kanda amusopesa, nyi?

Yilinga 22:27

Manjolo wayile, wambile kuli iye ngwenyi, Ngwambulwile, yena uli Ka-Roma, nyi? Iye wambile ngwenyi, Ewa, nguli Ka-Roma.

Yilinga 22:29

Haze hene waze ambile kumweseka, amuhichikile, manjolo wevwile woma nawa, muze asele chinyingi ngwo, Iye Ka-Roma, mumu ha kumukasa.

Yilinga 23:27

Yono lunga kanakamukwata kuli A-Yunda, kanakamba kumushiha; muze ngunakatulumuka hali ayo ni mbunga ya maswalale, ngunakamupulula, se ngunakasa chinyingi iye Ka-Roma.