Yilinga 22:22 - MUKANDA USANDU WA ZAMBI 1975

²² O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.

Mukanda Wa Zambi 1970

²² Atu yaabanjika Paulu ndoo ku liji lino: “waze hi Ayuda ko.” Mba yaakololoka ni liji linene ngwo: “Chizenu mutu yono, mushihenu, katelele kutwama ni mwono!”

Yilinga 22:22 Iomraidhean Croise

Luka 23:18

Alioze akololokele hamuwika ngwo, Chizenu yono, ututuswile Mbarapa.

Yoano 19:15

O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare.

Yilinga 21:36

Mumu chizavu cha atu akawile nikukololoka ngwo, Muchizenuko.

Yilinga 25:24

Ni Fesetu wambile ngwenyi, Mwanangana Akripa, ni malunga eswe nuli muno hamwe ni yetu, nunamono yono mutu, hali iye chizavu cheswe cha A-Yunda angushinjikile, ku Yerusaleme ni ku kuno, nikukololoka hali iye, ngwo, Kuchamutambile kutwama ni mwono.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.