Yilinga 22:16 - MUKANDA USANDU WA ZAMBI 1975

¹⁶ Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

Mukanda Wa Zambi 1970

¹⁶ Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

Yilinga 22:16 Iomraidhean Croise

Miaso (Masamu) 119:60

Natambukile, chalalukile ha kufunga shimbi je.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Yoano 13:8

Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 7:59

O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.

Yilinga 9:14

ni kuno poko ali nayo ya kuli asasendote akwa lutwe ya kukasa waze eswe akutambika ha jina lie.

Yilinga 9:18

Haze hene yaholokele ku meso jenyi ngwe yihahi, iye walawile meso, wakatukile, amupapachishile.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 12:13

Mumu muli Spiritu umuwika hanatupapachisa yetu eswe mu mujimba umuwika, chipwe A-Yunda, chipwe A-Ngresia, chipwe ndungo, chipwe enya chifuchi, hanatunwisa muli Spiritu umuwika.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Galashia 3:27

Mumu eswe a kuli yenu anupapachishile muli Kristu, hinunazala Kristu.

Efesu 5:26

hanga akachisele chisandu, akachipemese ku kusanyisa cha meya ni tachi ja liji,

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;