Yilinga 21:5 - MUKANDA USANDU WA ZAMBI 1975

⁵ Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Mukanda Wa Zambi 1970

⁵ Muze hitwatwama matangwa shimbiali mu limbo lize, yitukatuka ni kuya mu jila yetu, ayo eswe, ni mapwo jo ni ana jo, yaatushinjikila ndoo haze lia limbo. Yitusa makungunwa hashi ku mbumbulu ya kalunga lwiji, yitulemba.

Yilinga 21:5 Iomraidhean Croise

1 Yitanga Ya Mianangana 8:54

Mba muze Solomone hamana kulemba yuma yino yeswe ni kuliumba kuli Yehova, yakatuka kulutwe Ha chilumbilo cha Yehova kuze te haliumbila ha makungunwa jenyi ni moko jenyi a kuzoza kwilu.

2 Sango Ja Mianangana 20:13

A-Yunda eswe amanyine kumeso ja Yehova hamwe ni ana jo akepe, ni mapwo jo, ni ana jo a malunga.

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Mateu 14:21

Waze alile, apwile ngwe tununu atano a malunga kuweza mapwo ni ana.

Marku 1:40

Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa.

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Yilinga 15:3

Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 20:36

Muze te hamba yino yuma, waliumbile makungunwa, walembele hamwe no eswe.

Yilinga 20:38

Evwile chinyengo kuhiana chikolo ha maliji aze ambile ngwenyi, Kunuchi kamona meso jami nawa. O amushinjikilile ndo ku ulungu.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Yoshua 8:35

Nilimwe liji kuliasalile lia kutuma kuli Mose, Yoshua yaatanga eswe kumeso ja chikungulwila cha Izalele, ni mapwo, ni ana, ni njize waze atwamine hakachi ko.