Yilinga 21:33 - MUKANDA USANDU WA ZAMBI 1975

³³ Hohene manjolo wakundamine, wamukwachile, wambile amukase ni malenge aali; iye wahulile jina lienyi, ni chize alinga,

Mukanda Wa Zambi 1970

³³ Mwata wa tujita yakundama kuli Paulu, yamukwata, yamba hanga amukase ni ngoji ja utale, yahula ngwenyi: “Yono iya? Kuchi anakalinga?”

Yilinga 21:33 Iomraidhean Croise

Yilinga 12:6

Muze Heronde ambile kumuneha haze, ufuku uze wene Petulu wapwile mu tulo mukachi ka maswalale aali, wa kukasa ni malenge aali: ni tulayi kulutwe lia pito alayile zuwo lia ususu.

Yilinga 20:23

shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina.

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Yilinga 22:29

Haze hene waze ambile kumweseka, amuhichikile, manjolo wevwile woma nawa, muze asele chinyingi ngwo, Iye Ka-Roma, mumu ha kumukasa.

Yilinga 22:30

Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.

Yilinga 25:16

Naakumbulwile ngwami, Hi ndako ya A-Roma ko kwecha mutu umwe, shimbu yoze unasumiwa kanda apwa ni waze akumusuma meso ni meso, akapwe ni mwaka upema wa kulisambisa ha kusuma chize anamusumu.

Yilinga 26:29

Paulu wambile ngwenyi, Nyi chikepe nyi chinji, ngunazange kuli Zambi, hi yena wika ko, alioze waze eswe anangwivu tangwa lino akapwe chizechene ngwe yami, alioze malenge ano, ka.

Yilinga 28:20

Kashika ha chikuma chino hinanutambika nwize kuli yami, ngunumone, nguhanjike ni yenu: mumu ha kutalatala cha akwa Izalele ngunakashiwa ni lenge lino.

Efesu 6:20

ha liyo nguli kanganda mu malenge; hanga ngukahanjike ni hamu, chizechene ngwe changutamba kuhanjika.

Filipu 1:7

Chizechene ngwe chinangutela kunyonga chino hali yenu eswe, mumu nguli ni yenu mu mbunge yami; mumu chipwe mu makana jami, ha kufunga ni kukolesa sango lipema, yenu eswe nuli akwa kulianyina ni yami ha vumbi.

2 Timoteu 1:16

Mwene akevwe keke hali akwa zuwo lia Onesefworu: mumu wanguhuzulwile kanji, kevwileko sonyi ha lenge liami.

2 Timoteu 2:9

Mu chuma chino nakwivwa lamba, nguli mu malenge ngwe mukwa kulinga yipi; alioze liji lia Zambi kuliakashiwile.

Akwa Kuyula 15:13

O yamba kuli iye ngwo, Mwomwene. Chino wika, mutukukasa, tukakukunjike mu moko jo. Kutuchi kukushiha. Kashika yamukasa ni mihipu yiali yaha, yamuchiza ku liwe, yamukandwisa.

Akwa Kuyula 16:12

Kashika Ndelila yanda mihipu yaha, yamukasa nayo, yamba ngwenyi, Samasone, A-Filistea hakuwana! Akwa kujikinyina te mu chipatulo cha muchima ali. Alioze iye yapatula mihipu ha moko jenyi ngwe kawanda.

Akwa Kuyula 16:21

A-Filistea amukwachile, yamutombongona meso jenyi, yamutwala ku Ngeza, yamukasa ni kúli ja unengu, watwile wunga mu utwilo wa zuwo lia ususu.

Akwa Kuyula 16:8

Mba miata ja A-Filistea Yamunehena kusa shimbiali jaha, kanda juma. Pwo yamukasa najo.