Yilinga 21:24 - MUKANDA USANDU WA ZAMBI 1975

²⁴ uatwale, ukalipemese hamwe no, ukaafwetele kongo lio, hanga akatewule mitwe yo: mba eswe makanyingika umwenemwene wakuhi niumwe ha yize aambulwilile ha kutwala kuli yena, alioze yena mwene wakwenda nikululika nikufunga shimbi.

Mukanda Wa Zambi 1970

²⁴ Yako hamwe no ha kulibemesa. Waafwete hanga alitewule mitwe, mba atu eswe maakanyingika ngwo, yize atu ambulwile mumu hali yena hi yamwenemwene ko, alioze maamba ngwo ni yena nawa wakwononokena Shimbi ja Mose.

Yilinga 21:24 Iomraidhean Croise

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Jobe 41:25

Muze malizundula chipwe akwa ndundo kakwivwa woma; kakulifwita mumu ha mwongo.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:14

Mba Mose yapalumuka ku mulundu; yaheta kuli e atu. Yasela atu ku usandu. O yakosa mazalo jo.

Kwalula 6:13

Shimbi ya Kanazireu yino, muze matangwa a kulihandununa chenyi mamanunuka: akamutwale ku chikolo cha mbalaka ya chikungulwila.

Kwalula 6:18

Mwe Kanazireu akalitewile ku chikolo cha mbalaka ya chikungulwila mutwe wa kulihandununa chenyi. Akande kambu ja ku mutwe wa kulihandununa chenyi, akajinjise mu kahia kushi lia chitapo cha mulambu wa sambukila.

Kwalula 6:5

Ha matangwa eswe a chilakenyo chenyi cha kulihandununa, tewula niyimwe kanda ayipalikisa ku mutwe wenyi; ndo matangwa mamanunuka ha kulihandunwina kuli Yehova, iye akapwe musandu. Iye akeche milamba ya kambu ja ha mutwe wenyi yikasuhe.

Kwalula 6:9

Nyi tungumuku mutu mafwila hakamwihi nenyi, mba iye machisa mutwe wenyi wa kulihandununa chenyi, mba akatewule mutwe wenyi ha tangwa lia kulipemesa chenyi. Akautewule ha tangwa liamuchishimbiali.

Yoano 11:55

Alioze Chizomboka cha A-Yunda chakundamine: ni anji a ku chifuchi chize akandukile ku Yerusaleme muze te Chizomboka kanda chipwa, hanga akalipemese.

Yoano 3:25

Kwapwile kashika mbandanga hakachi ka tumbaji twa Yoano ni A-Yunda ha kutwala ku kupemesa.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

Yilinga 21:26

Hohene Paulu watwalile e malunga, ni ha tangwa likwo, ha kulipemesa hamwe no, wanjilile mu tembele, nikusolola ngwe kumanunuka cha matangwa a kupemesa, ndo malambula chitapo hali ayo eswe mutu ni mutu.

Yilinga 24:18

hohene anguwanyine mukwa kulipemesa mu tembele, hi ni mbunga ko, chipwe ni vunda, ka: alioze amwe A-Yunda a ku Eshia,

1 Korintu 9:20

Kuli A-Yunda, nalipwishile ngwe Ka-Yunda, hanga ngukazuke A-Yunda; kuli waze atwama kushi lia shimbi, nalipwishile ngwe kushi lia shimbi, hi nikupwa yami mwene kushi lia shimbi ko, hanga ngukazuke waze ali kushi lia shimbi.

Galashia 2:12

Mumu shimbu amwe a kuli Tiangu kanda aheta, iye walile hamwe ni akwa mavungu; alioze muze o ahetele, wakatukile nikulihandununa, se wevwile woma wa akwa ungalami.

Akwa Kuyula 13:5

mumu kumukapwa ni ufumba, kumukasema mwana wa lunga. Kanda ukasa tewula ku mutwe wenyi mumu mwana-lunga yono kumakapwa Kanazireu kuli Zambi chize ku kusemuka chenyi. Iye kumakaputuka kupulula A-Izalele ku moko ja A-Filistea.