Yilinga 21:21 - MUKANDA USANDU WA ZAMBI 1975

²¹ hanaambulwila ha kutwala kuli yena, ngwe wakulongesa A-Yunda eswe hakachi ka akwa mavungu kwehuka Mose, nikwakanjisa kupwisa ngalami ana jo, nikwakanjisa kwenda nikulita ni ndako ja A-Yunda.

Mukanda Wa Zambi 1970

²¹ Haanambulwila ngwo, wakulongesa Ayuda eswe waze atwama mu yifuchi ya yilambala kwehuka Shimbi ja Mose. Ngwo, wakwamba ngwe, kanda nupwisa ana jenu ngalami chibwe kanda nukaula ndako ja Ayuda.

Yilinga 21:21 Iomraidhean Croise

Yilinga 16:3

Yono, Paulu wamuzangile kuya hamwe nenyi; mba yamwanda, yamupwisa ngalami, mumu hali A-Yunda waze apwile kuze: mumu o eswe anyingikine ngwo, Tato Ka-Ngresia.

Yilinga 21:22

Kuchi muchipwa kashika? Makevwa ngwo, Heza.

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

Yilinga 28:17

Kulutwe lia matangwa atatu Paulu watambikile waze apwile akwa lutwe a kuli A-Yunda, alikungulule. Muze akungamine, wambile kuli ayo ngwenyi, Yami, mandumbu, chipwe chalingile nichimwe cha kulimika ni atu, hanji ni ndako ja tulamba, hindu ku Yerusaleme amukunjikile funge ku moko ja A-Roma:

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.