Yilinga 21:20 - MUKANDA USANDU WA ZAMBI 1975

²⁰ O muze achivwile, achichimiekene Zambi; ambile kuli iye ngwo, Unamono, ndumbu, ngwe yizavu yipwa haha kuyili ya A-Yunda waze hanafuliela; ni eswe kakusela mbunge jo ku shimbi:

Mukanda Wa Zambi 1970

²⁰ No, muze haachivwa, yaachichimieka Zambi, yamwamba ngwo: “Mukwetu, unamono tununu twa atu hakachi ka Ayuda haafuliela. Eswe kaakulisela ku Shimbi.

Yilinga 21:20 Iomraidhean Croise

Miaso (Masamu) 22:23

Yenu eswe nwakuvwila woma Yehova muhalisenu; yenu eswe munyachi wa Yakomba muchichimiekenu; muvwilenu woma yenu eswe munyachi wa Izalele.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Luka 12:1

Muze tununu anji akungulukile chocho aliachile umwe hali mukwo, waputukile kwamba kuli tumbaji twenyi kuliangila ngwenyi, Keyelenu futunwiso ya A-Fwariseu, yenayo ulembese.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Yoano 12:24

Pundu, pundu, ngunambe kuli yenu ngwami, Lunona wa tiliku matwama ukawenyi shina maholoka hashi, mafwa; alioze kachi mafwa, kachi mema mihuko yinji.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 15:1

Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose.

Yilinga 15:24

Mumu te hitunevu ngwo, Amwe a kukatuka kuli yetu, hananupikala ni maliji, nikulumbula mbunge jenu, ngwo, Chanutamba kupwa ngalami, nukatunge shimbi, alioze yetu kutwaahele poko niyimwe.

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

A-ROMA 10:2

Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko.

Galashia 1:14

Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka.

Galashia 1:24

O achichimiekene Zambi muli yami.

2 A-TESALONIKA 1:10

muze meza ha tangwa lize, hanga akamuchichimieke muli asandu jenyi, hanga akamukomoke muli waze eswe akwa kufuliela, mumu nwafulielele Shindakenyo yetu kuli yenu.