Yilinga 21:13 - MUKANDA USANDU WA ZAMBI 1975

¹³ Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

Mukanda Wa Zambi 1970

¹³ Alioze yakumbulula ngwenyi: “Kuchi nunalingi, nikulila, nikungulezumuna? Hinalilulika hi kukashiwa wika ko, alioze chibwe kufwa ku Yerusaleme mumu hali Mwene Yesu.”

Yilinga 21:13 Iomraidhean Croise

1 Sango Ja Mianangana 11:18

E malunga atatu yapula ndusu mu mbunga ya A-Filistea; yataha meya a mu shima ha Mbeteleme lili ku chikolo; yaambata; yaaneha kuli David. Alioze iye kasolo kwanwa. Yaazujila kumeso ja Yehova.

Izaya 3:15

Kuchi chinalumbunuka chize nunafwenye atu jami, ni kucheka meso ja yiswale? Chocho kanambe Mwene Yehova-wa-Tujita.

Jeremia 40:1

Liji lia Yehova liejile kuli Jeremia muze te Nabuzaradane kapitau ka tulayi hamwecha ku Rama muze hamutwala wa kukasa ni malenge hamuwika ni funge eswe a ku Yerusaleme ni Yunda waze te maatwala njize ku Babilonia.

Ezekiel 18:2

Kuchi chinalumbunuka kuta chishima chino kanji kanji ha kutwala ku chifuchi cha Izalele ngwo, Atato halia uva jisasu, mba mu makanwa ja ana mwapangaminya?

Yona 1:6

Kashika mwata wa wato yeza kuli iye, yamba kuli iye ngwenyi, Ena mukwa tulo, kuchi unevu? Katuka utambike kuli Zambi ye. Hanji Zambi matunyonga kutuchi kutoka.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 20:37

O eswe alilile chikolo, nikukangayika Paulu mu moko jo amumbejele chikolo.

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

Yilinga 9:16

mumu mungukamulweza lamba lize linji chamutamba kwivwa mumu ha jina liami.

1 Korintu 15:31

Ewa, ngunashindakenya ku kulisamba chize hali yenu, mandumbu, chize nguli nacho muli Kristu Yesu Mwene wetu, nakufwa tangwa ha tangwa.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Filipu 2:26

se wanuvwilile usona yenu eswe, wevwile chikolo kulema mu mbunge, mumu nwevwile ngwo, Kanayiji.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

2 Timoteu 1:4

Nakwivwa usona kukumona, ha kwiwuluka masoji je, hanga ngukazale tò ni uwahililo;

2 Timoteu 4:6

Mumu himungutehuka, mwaka wa kutusuka chami hiweza.

2 Petulu 1:14

se ngunanyingika kuzula cha mbalaka yami muchikapwa kulutwe lia shimbu likepe, chizechene ngwe Mwene wetu Yesu Kristu wangulwezele.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.

1 Samuel 1:8

Mba lunga lienyi Elekana wambile kuli iye ngwenyi, Hana, yika unalilila? Kuchi te kwalile? Kuchi te uli ni chinyengo mu mbunge? Te yami chahianyine kumi lia ana a malunga kuli yena nyi?

1 Samuel 15:14

Samuel yamba ngwenyi, Mba kuteta acho cha mapanga ni kuteta cha ngombe ngunevu kuchi chinalumbunuka?