Yilinga 20:9 - MUKANDA USANDU WA ZAMBI 1975

⁹ Mba umwe mukweze, jina lienyi, Utecho, Watwamine ha kapenda, wazembelele tulo anji; shimbu Paulu ahanjikile hindu chipinji chisuku chikolo, tulo amukumbile, iye waholokele ku chipatula chamuchitatu cha kwilu, yamuzundula hanafu kulu.

Mukanda Wa Zambi 1970

⁹ Mukweze umuwika, jina lienyi Utiku, te ha kapenda anatwama. Muze Paulu alongesele shimbu lisuku, tulo yamuhiana, Utiku yanongwoka, mba yaholokela mu chibatulo cha muchitatu cha kwilu. No yaamuzundula te hanafu kulu.

Yilinga 20:9 Iomraidhean Croise

1 Yitanga Ya Mianangana 17:19

Iye yamba kuli pwo ngwenyi, Ngwehe mwané. Yamuchiza mu kondo yenyi; yamutwala kwilu ku chipatulo chenyi kuze atwama; yamupombesa ha muhela wenyi.

Marku 13:36

kuchina, susumuku heza; manuwana mu tulo.

Marku 9:26

Iye muze te hakololoka, nikumutunyisa chikolo, watuhukile muli iye: iye wapwile ngwe mufu; chocho anji ambile ngwo, Hafwa.

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 20:10

Paulu wapalumukine, wahetamine hali iye, wamuzundwile mu moko jenyi, wambile ngwenyi, Kanda nupinda; mumu mwono wenyi muuli muli iye.

Yilinga 20:7

Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Yilinga 20:8

Ni temo jinji japwile mu chipatulo cha kwilu muze twakungulukilile.