Yilinga 20:7 - MUKANDA USANDU WA ZAMBI 1975

⁷ Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Mukanda Wa Zambi 1970

⁷ Ha tangwa lia kuhwima, yitukunguluka ha kulia hamuwika. Paulu yahanjika ku mbunga ndoo ha muchima ufuku, mumu yanyonga kuya muze hikwacha.

Yilinga 20:7 Iomraidhean Croise

Nehemia 8:3

Iye yatangamo ha lwaza kulutwe lia chikolo cha meya, chize ku chimenemene ndo tangwa ha muchima, kumeso ja malunga ni mapwo, ni waze eswe muchialumbunuka. Matwi ja atu eswe apwile kwe ku mukanda wa shimbi.

Nehemia 9:3

Yamana kuma kwo nikutanga mu mukanda wa shimbi ja Yehova Zambi yo chihanda chimuwika cha ku yihanda yiwana ya tangwa, mba chihanda chikwo cha ku yihanda yiwana yashikisa nikuwayila Yehova Zambi yo.

Marku 16:9

Achi, muze te hahinduka chimenemene ha tangwa litangu lia semana, wasolokele hatangu kuli Maria Ka-Mandala, muli iye Watuhwishile andemoniu shimbiali.

Luka 22:19

Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

Luka 24:35

O ambulwile yuma yize yaawananga mu jila, ni ngwe chize amunyingikine ha kupatula mbolo.

Yoano 20:1

Achi ha tangwa litangu lia semana, Maria Ka-Mandala yaya ku fuka ha chimenemene, shimbu te kuchili milima, yamona liwe halichiza ku fuka.

Yoano 20:19

Muze kashika hikwapwa chingoloshi ha tangwa lize, lie tangwa litangu lia semana, muze te hanajila mapito muze apwile tumbaji, mumu woma wa A-Yunda, Yesu wejile, wamanyine mukachi ko, yamba kuli ayo ngwenyi, Sambukila kuli yenu.

Yoano 20:26

Kulutwe lia matangwa nake, tumbaji twenyi apwile cheka nawa muchima lia zuwo, ni Tomase hamwe no, mapito te a kwajila. Yesu yeza, yamana mukachi ko, yamba ngwenyi, Sambukila kuli yenu.

Yilinga 16:10

Muze te hamona usolwelo, haze hene twafupile kukatuka mukuya ku Masendoniya, nikunyonga ngwetu, Zambi hatutambika kwambujola sango lipema kuli ayo.

Yilinga 2:42

O anyongonwene mu longeso lia apostolo, nikuliendela, ni upatwilo wa mbolo, ni kulemba.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 20:11

Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 20:5

Alioze wano te hatetekela, atutwaminyinyine ku Troa.

Yilinga 20:9

Mba umwe mukweze, jina lienyi, Utecho, Watwamine ha kapenda, wazembelele tulo anji; shimbu Paulu ahanjikile hindu chipinji chisuku chikolo, tulo amukumbile, iye waholokele ku chipatula chamuchitatu cha kwilu, yamuzundula hanafu kulu.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

1 Korintu 10:16

Musenge wa uwape uze twakuwahisa, hi kuhangana cha manyinga ja Kristu ko, nyi? Mbolo yize twakupalula, hi kuhangana cha mujimba wa Kristu ko, nyi?

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

1 Korintu 16:2

Ha tangwa litangu lia semana, eswe a kuli yenu akatumbikile chihanda, nikulita ngwe hanawahisa, hanga kukuchi kapwa kukunga cha mbongo muze mungwiza.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.

Usolwelo 1:10

Napwile mu Spiritu ha tangwa lia Mwene, nevwile kunyima yami liji linene, ngwe lia chitavwi,