Yilinga 20:35 - MUKANDA USANDU WA ZAMBI 1975

³⁵ Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

Mukanda Wa Zambi 1970

³⁵ Mu yuma yeswe nanuhele chilweza cha kuhondangana ha kukwasa waze keeshi tachi, nikwiwuluka liji lize ambile Yesu ngwenyi: ‘Chinawaha kutambula, alioze Shinaho kulialia.’ ”

Yilinga 20:35 Iomraidhean Croise

Yishima 19:17

Mukwa kuvwila keke yiswale kakuhana kuli Yehova; chitanga chenyi chipema mamukundululacho.

Izaya 32:8

Alioze mutu wa mbunge yipema kakunyonga yuma yipema, ni ku yuma yipema kanajikijila.

Izaya 35:3

Takamisenu moko a upekepeke, kolesenu makungunwa aze keshi tachi.

Mateu 10:8

Wukenu mieji, hindwisenu afu, pemesenu akwa mbumba, tuhwisenu andemoniu; hinunatambula wana, hanenu wana.

Yilinga 20:20

ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa,

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 20:34

Nunanyingika yenwene ngwe moko ano alingile nikungumwesa chize nahonene, ni chize ahonene waze apwile hamwe ni yami.

Yilinga 20:36

Muze te hamba yino yuma, waliumbile makungunwa, walembele hamwe no eswe.

A-ROMA 15:1

Achi yetu tuli akwa tachi, chatutamba kumbata ulelu wa waze keshi tachi, hi kuliwahisa ko yetwene.

1 Korintu 9:12

Kachi akwo matambula chihanda cha chiyulo chino hali yenu, Shinaho yetu, nyi? Hindu kutwalingile ni chiyulo chino; alioze twakunyongonona ha yuma yeswe, hanga kutuchi kasa chilinda nichimwe mu jila ya sango lipema lia Kristu.

2 Korintu 11:12

Alioze chize nakulinga, chizechene mungukachilinga hanga ngukajike jila ya waze akuzanga kulisamba; hanga muze akulisamba, akaawane chizechene ngwe yetu.

2 Korintu 11:9

muze napwile hamwe ni yenu, nahonene, chalemenene niumwe; mumu mandumbu, muze ejilile ku Masendoniya, anguhele chize nahonene; ni yuma yeswe nalifungile hanga chishi kunulemena, chocho mungukalifunga.

2 Korintu 12:13

Mumu neka nunasala kunyima yikungulwila yikwo, shina mu chino, yami chanulemenene? Ngukonekenenu kama chipi chino.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Tesalonika 4:11

nukeseke chikolo kuhola ni kulinga milimo ya yenwene, ni kukilikita ni moko ja yenwene, chizechene ngwe twanwambile;

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

Hebreu 13:3

Iwulukenu funge ngwe nunakashiwa hamwe no; waze kanaalingi chipi, ngwe nuli yenwene nawa mu mujimba.

3 Yoano 1:7

Mumu ha jina lienyi hanatuhuka, katambwile nichimwe kuli akwa mavungu.