Yilinga 20:32 - MUKANDA USANDU WA ZAMBI 1975

³² Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Mukanda Wa Zambi 1970

³² “Haliabwila ngunanukunjika kuli Zambi ni ku liji lia utu wenyi. Kanahase kunukolesa ni kunuwahisa ni yiwape yize aswekelele atu jenyi.

Yilinga 20:32 Iomraidhean Croise

Ubutukilo 50:24

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Jeremia 49:11

Hichikenu ana jenu ashiwa, yami mungwafunga, tuliwa jenu angufuliele yami.

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Yoano 15:3

Yenu kunwapema kulu mumu ha liji lize hinahanjika kuli yenu.

Yoano 17:17

Uapwise asandu mu umwenemwene; liji lie we umwenemwene.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 14:23

Mba muze te haatongwela makulwana mu yikungulwila yeswe, nikulemba, nikulitwamina kulia, aakunjikile kuli Mwene, yoze te hanamufuliela.

Yilinga 14:26

Kuze endele mu ulungu ku Andiakia, kuze aakuajikile kulu ku vumbi lia Zambi ha milimo yize te hayimanununa.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 15:40

alioze Paulu watongwele Saila, wakatukile, se mandumbu hamukunjika ku vumbi lia Mwene.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 8:17

Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 6:10

chipwe eji, chipwe akwa kwivwa kuzo, chipwe akwa kuzengewa, chipwe akwa kutukana, chipwe akwa kuhianyisa ndando, kechi kahinga wanangana wa Zambi.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Efesu 4:12

kululika asandu ha milimo ya uvumbiko, mukukolesa mujimba wa Kristu,

Efesu 4:16

Kuli iye we mujimba weswe wakusepekenya nikununga, ni chize makonekeno eswe akuhana, nikulita ni cheseko cha kulinga cha chihanda cheswe, chakuweza ku kulitatwisa cha mujimba wene mu zango.

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Kolosu 1:12

nukasakwile kuli Tata, yoze hanatutesa ha kutambula chihanda cha chihinga cha asandu mu pangu;

Kolosu 2:7

nukatande miji, nukondomoke muli iye, nukalikoleze mu Ufulielo wenu, chizechene ngwe anulongesele, nikulumbama mu kusakwila.

Kolosu 3:24

Nyingikenu ngwenu, Kuli Mwene mutukatambula chihinga ha kwononona, mumu twakulingila Mwene Kristu.

Hebreu 10:14

Mumu ku mulambu umuwika hanapwisa angunu ndo ku miaka ya mutolo waze hanaasela ku usandu.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Hebreu 2:11

Mumu eswe aali, ni yoze wakusela ku usandu, ni waze hanaasela ku usandu, kanapu eswe a kuli umuwika: ha chikuma chino keshi kwivwa sonyi kwavuluka ngwenyi, Mandumbu.

Hebreu 9:15

Ha chikuma chino iye chitakanyishi cha usendo waha, hanga waze hanaatambika akatambule chilakenyo cha chihinga cha mutolo, mumu kufwa hichapwa ha ukule wa Utanguko uze wapwile kushi lia usendo utangu.

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Yuda 1:20

Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.