Yilinga 20:31 - MUKANDA USANDU WA ZAMBI 1975

³¹ Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Mukanda Wa Zambi 1970

³¹ Kashika kanyamenu, iwulukenu ngwenu, ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 20:31 Iomraidhean Croise

Ezekiel 3:21

Alioze nyi yena mukanjisa mukwa ululi kanda avulumuna, mba iye kavulumwine, kumakatwama ni mwono mumu hevwa kukanjisa che; ni yena hiwalamwina mwono we.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:8

Iye wanjilile mu sunangonga, wahanjikile ni hamu ha shimbu lia tukweji atatu, nikuhanjika kuli ayo, nikwakununa ha kutwala ku wanangana wa Zambi.

Yilinga 20:11

Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile.

Yilinga 20:19

nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda;

Yilinga 20:7

Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Yilinga 24:17

Achi, kulutwe lia miaka yinji nahetele mukuhana yawana ni milambu ku vungu liami:

1 Korintu 4:14

Chasonekene yino yuma mukunukolesa sonyi, alioze mukunukanyamisa ngwe ana jami ngunanuzange chikolo.

Filipu 3:18

Mumu anji kakwenda, hali ayo hingunanwambulwila kanji, ni haliapwila ngunanwambulwila nikulila, kanapu akwa kole ja kulusu ya Kristu:

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.

2 A-TESALONIKA 2:5

Kunwewulukile ngwe muze napwile hamwe ni yenu, nanwambulwilile yino yuma, nyi?

2 A-TESALONIKA 3:8

chipwe kutwahle mbolo chawana kuli niumwe, alioze nikukilikita nikuhondangana, twalingile ufuku ni mwalwa, hanga kutuchi kalemena niumwe hakachi kenu.

2 Timoteu 4:5

Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

Usolwelo 16:15

(Talenu, nguneza ngwe mwiji; kawaha yoze malá, yoze mafunga mazalo jenyi, hanga kechi kenda ni uselesele, hanga kechi kamona sonyi jenyi).