Yilinga 20:30 - MUKANDA USANDU WA ZAMBI 1975

³⁰ Hakachi ka yenwene nawa kumakasoloka malunga akwa kuhanjika yuma ya kupiya, mukukoka tumbaji kunyima yo.

Mukanda Wa Zambi 1970

³⁰ Hakachi ka yenwene nawa malunga maakakatuka ni kuhanjika mahuza, ni kukoka tumbaji ha kwakaula.

Yilinga 20:30 Iomraidhean Croise

Yishima 19:1

Chiswale yoze wakwenda ni kutuwika cha mbunge Wapema kuhiana chihepuke yoze wapiya ku mivumbo yenyi.

Yishima 23:33

Meso je mamona yikomokeso; mbunge ye muyihanjika yuma ya kupiya.

Izaya 59:3

Mumu moko jenu hapiha ni manyinga, minwe yenu hiyapiha ni uhenge. Mivumbo yenu hiyahanjika mahuza, malimi jenu kananyinguna ungulungulu.

Daniel 11:34

Muze malimbuka, maakwasa hakehe. Anji makalifutula no ni maliji a kupepieka.

Mateu 23:15

Lamba lienu, akwa kusonyeka ni A-Fwariseu, yilembese! mumu nwakujinga kalungalwiji ni hashi homu mukutayisa kambaji umuwika; ni muze hatá, nwakumupwisa mukwa Heteze yisuho yiali kuhiana yenwene.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 21:38

Yena hi uli Ka-Engitu ko yoze kunyima lia matangwa ano wavundwile atu, watwalile haze mu puya tununu awana a malunga yingalwe, nyi?

2 Korintu 11:13

Mumu wano kanapu apostolo ja mahuza, akwa kulinga tulimbalimba, nikulihipula ngwe apostolo ja Kristu.

1 Timoteu 5:13

Malilongesa nawa kulelumioka nikujingajinga ku zuwo ni zuwo; ni hi kulelumioka wika ko, alioze mapwa akwa kalundanganyishi, akwa moko a jiji, nikuhanjika yuma yize kuyatele.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.

2 Yoano 1:7

Mumu akwa kupiangula anji haneza hano hashi, waze keshi kutayiza mwe Yesu Kristu heza mu musunya, mwe mukwa kupiangula yono, mwe mukwa kulimika ni Kristu.

Usolwelo 2:6

Alioze chino uli nacho, wakupihilila ni yitanga ya A-Nikoleta, yize ni yami nawa nakupihilila nayo.