Yilinga 20:3 - MUKANDA USANDU WA ZAMBI 1975

³ Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya.

Mukanda Wa Zambi 1970

³ yatwama ko tukweji atatu. Mba yazanga kuzauka ni kuya ku Siria, alioze muze hevwa ngwo, Ayuda kaanamujikinyina, yanyonga kuhiluka mu jila ya Masedonia.

Yilinga 20:3 Iomraidhean Croise

Ezra 8:31

Mba yitukatuka ku Lwiji Ahava ha tangwa kumi ni liamuchiali lia kakweji mutangu tukaye ku Yerusaleme. Ni kwoko lia Zambi yetu liapwile hali yetu, yatupulula kuli akwa kole ni akwa kujikinyina mu jila.

Yishima 1:11

Nyi mamba ngwo, Tweya ni yetu tukatwaminyine kumwanga manyinga, tukajikinyine waze keshi chitela;

Jeremia 5:26

Mumu yingulungulu hwali hakachi ka atu jami. Kakuswama ngwe akwa kujikinyina tujila. Kakuta miheto; kakukwata atu.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Yilinga 16:12

katu ku kuze twayile ku Fwilipu, lienalio lie limbo linene lia chihanda chize cha chifuchi cha Masendoniya, ni njize A-Roma atungileko nawa: twanyongonwene mu limbo lize matangwa amwe.

Yilinga 16:9

Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 20:1

Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya.

Yilinga 20:19

nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda;

Yilinga 20:2

Ni muze te hapalika ndusu mu yihanda yize, nikwashinjila ni maliji anji, wahetele ku Ngresia.

Yilinga 21:3

Muze hitwamona chifuchi cha Saipuru, nikuchihichika ku chimeso chetu, twendele ndo ku Seria, twahetele ku Teru; mumu kuze ulungu te himalongolola yiteli yawo.

Yilinga 25:3

aliumbile kuli iye akamunehe ku Yerusaleme; kanamujikinyina mukumushiha mu jila.

2 Korintu 1:15

Mumu ha ukolelo uno nambile kwiza kuli yenu kulu, hanga nukapwe ni uwape wamuchiali;

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;

2 Korintu 7:5

Mumu chipwe muze twahetele ku Masendoniya, musunya wetu kuwahwimine, alioze twayindamine ku sali ni sali; haze kulitachika, muchima woma.

Galashia 1:21

Kulutwe lia chino, nayile ku yifuchi ya kujingilika Seria ni Selishia.