Yilinga 20:28 - MUKANDA USANDU WA ZAMBI 1975

²⁸ Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Mukanda Wa Zambi 1970

²⁸ Kanyamenu yenwene, ni mbunga yeswe yize Mwiku wa Linanga anuhele kufunga. Fungenu kanawa Chikungulwila cha Zambi chize azukile ku kufwa cha Mwanenyi.

Yilinga 20:28 Iomraidhean Croise

Miaso (Masamu) 74:2

Iwuluka chikungulwila che chize walanjile ha shakulu; chize wakulile chikapwe vungu lia chihinga che; iwuluka mulundu wa Zaione kuze watwamine.

Yishima 10:21

Mivumbo ya mukwa ululi kuyakulisa anji; alioze yihepuke kakufwa mumu keshi mbunge.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 13:20

Hetulenu meso jenu numone waze anakatuka ku Norte. Mbunga yize ya mapanga akuhele, yilihiyo? Mbunga ye yipema?

Jeremia 3:15

Mungukanwaha tufunga nikulita ni mbunge yami waze manulisa ni mana ni chinyingi.

Jeremia 31:10

Enu mavungu, panjikenu liji lia Yehova nukaliambulule ku yifuchi ya mbaka kusuku. Ambenu ngwenu, Yoze wamwangine Izalele kumakamukonga nawa ni kumufunga ngwe kafunga kakuhinga mapanga jenyi.

Ezekiel 34:3

Enu nwakulia maji, nwakulijika ni wona wo, nwakushiha e akwa maji, alioze kulisa kunwalishile mapanga.

Ezekiel 34:31

Mwene Yehova kanambe ngwenyi, Enu nuli mapanga jami; mapanga ja kelo jami, ni yami nguli Zambi yenu.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Mika 7:14

Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

Zakaria 11:4

Yehova Zambi yami wambile ngwenyi, Fungenu mapanga aze hanaafunjikila kufwa.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 14:23

Mba muze te haatongwela makulwana mu yikungulwila yeswe, nikulemba, nikulitwamina kulia, aakunjikile kuli Mwene, yoze te hanamufuliela.

Yilinga 20:17

Ku Miletu watumine ku Efwesu, watambikile makulwana a chikungulwila eze kuli iye.

Yilinga 20:29

Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga.

A-ROMA 16:16

Limenekenu umwe ni mukwo ni mukwo ni mbeju yisandu. Yikungulwila yeswe ya Kristu yinanumeneka.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 10:32

Kanda nukapwa chitalingiso chipwe kuli A-Yunda, chipwe kuli A-Ngresia, chipwe ku chikungulwila cha Zambi, ka:

1 Korintu 11:22

Kuma, kunushi mazuwo a kulitamo, a kunwinamo, nyi? Shina nunalelesa chikungulwila cha Zambi, nikukolesa sonyi waze keshi nacho? Kuchi mungwamba kuli yenu? Mungunuhalisa, nyi? Ka, ha chino chanuhalishile.

1 Korintu 15:9

Mumu ami nguli mukepe Wahiana eswe a kuli apostolo, chatelele akanguvuluke ngwo, Postolo, mumu nahungumionene chikungulwila cha Zambi.

1 Korintu 6:20

mumu hananulande ni ndando: kashika Chichimiekenu Zambi mu mijimba yenu ni mu maspiritu jenu, mumu ya Zambi.

Galashia 1:13

Mumu hinunevu ha kwenda chami cha kunyima mu Uyunda, ngwe chize kuhiana chikolo nahungumionene chikungulwila cha Zambi, nikuchenyeka.

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Kolosu 4:17

Nukambe kuli Arkipu ngwenu. Kanyama ha uvumbiko uze hiunatambula muli Mwene, hanga ukaumanunune.

1 Timoteu 3:1

Liji lino liamwenemwene ngwo, Kachi umwe mafupa milimo ya kalayi, kachi mazanga milimo yipema.

1 Timoteu 3:2

Chatamba kashika kalayi akapwe keshi kapalia, lunga wa pwo umuwika, mukwa kukeyela, mukwa mana, mukwa kulita ha yilinga yenyi, mukwa kuzumbula ngeji, mukwa kujama ha kulongesa;

1 Timoteu 3:5

(nyi mutu kanyingikine kuyula zuwo lienyi mwene, ngwe kuchi mafunga chikungulwila cha Zambi?)

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

1 Timoteu 4:16

Kanyama kuli yena mwene ni ku longeso lie. Nyongonona mu yino yuma; mumu ha kulinga chino, mukalilamwina yena mwene ni waze akukwivwa nawa.

1 Timoteu 5:17

Makulwana waze akuyula kanawa, katela kwawezela ulemu, kuhiana chikolo kuli waze akukilikita mu milimo ya kwambujola liji ni kulongesa.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,