Yilinga 20:24 - MUKANDA USANDU WA ZAMBI 1975

²⁴ Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Mukanda Wa Zambi 1970

²⁴ Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 20:24 Iomraidhean Croise

1 Sango Ja Mianangana 11:18

E malunga atatu yapula ndusu mu mbunga ya A-Filistea; yataha meya a mu shima ha Mbeteleme lili ku chikolo; yaambata; yaaneha kuli David. Alioze iye kasolo kwanwa. Yaazujila kumeso ja Yehova.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yilinga 1:17

Mumu amwalwile hamwe ni yetu, neye wazukile chihanda cha uvumbiko uno.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 13:25

Ni shimbu Yoano machimanununa jila yenyi, wambile ngwenyi, Kuchi nunashinginyeka, yami iya? Yami hi nguli Kristu ko. Alioze kumeza umwe kunyima yami, yoze haku ja ku molu jenyi chatelele kujitula.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 15:7

Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 20:23

shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina.

Yilinga 20:32

Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

A-ROMA 4:4

Achi kuli mukwa milimo, keshi kwalula fweto yenyi ngwe ya vumbi, alioze ya kongo.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

2 Korintu 12:10

Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.

2 Korintu 4:1

Kashika se uvumbiko uno tuli nawo, nikulita ni keke yino hitunawane, kutushi kulezumioka:

2 Korintu 4:12

Chocho kufwa kuchakulinga muli yetu, alioze mwono kuwakulinga muli yenu.

2 Korintu 5:8

twakuhamuka ngwetu, Tunawaha Shinaho kuhichika mujimba, tukapwe ku mahietu hamwe ni Mwene.

2 Korintu 7:4

Hamu liami lia kuhanjika, linene kuli yenu, kulisamba chami chinene ha kutwala kuli yenu; ngunazala tò ni kulembejeka; ngunalumbama kuhiana chikolo mu uwahililo mu luyinda wetu mweswe.

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Efesu 3:13

Kashika ngunanuhinjila ngwami, Kanda nulezumuka ha luyinda wami hali yenu, mwenawo uhenya wenu.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Filipu 2:30

mumu ha milimo ya Kristu wakundamine ku kufwa, nikusela mwono wenyi ku Utoji, hanga akangumwese chize nwahonene ha kulingila chenu kuli yami.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

1 Tesalonika 2:2

alioze se twevwile lamba kunyima, kuze atulingile chipi, chizechene ngwe nunanyingika, mu Fwilipu, twahamukine muli Zambi yetu kuhanjika kuli yenu sango lipema lia Zambi, hamwe ni kulitachika chinji.

1 Tesalonika 3:3

kuchina amwe makokoloka mu luyinda yono, mumu nunanyingika yenwene hanatusela ku chino.

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

2 Timoteu 3:11

ni yihungumiona, ni lamba, lize lianguwanyine mu Andiakia, mu Ikoniu, mu Lesetra; yihungumiona yize nanyongonwene nayo; ni Mwene wangupulwile ku yeswe.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Titu 1:3

aiioze ha miaka yalio, wasolwele liji lienyi mu sango lize angukunjikile, nikulita ni liji lia chiyulo cha Zambi Chilamwina chetu,

Titu 2:11

Mumu vumbi lia Zambi hilinasoloka, Unaneha ulamwino kuli atu eswe,

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

1 Petulu 5:12

Ku kwoko lia Selevwanu, ndumbu wamwenemwene, chocho ngunamumono, hinasoneka kuli yenu ni maliji akehe, nikushinjila nikushindakenya chikolo ngwami, Lino lie vumbi liamwenemwene lia Zambi: manenumo ngú.

1 Yoano 3:16

Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 6:11

Mba ahanyine kuli ayo, umwe ni umwe, mahina a ngungu atoma; achambile kuli ayo ahwime shimbu likepe, ndo ndungoniakwo nawa ni mandumbu jo, waze maashiha chizechene ngwe ayo, mamanunuka.