Yilinga 20:2 - MUKANDA USANDU WA ZAMBI 1975

² Ni muze te hapalika ndusu mu yihanda yize, nikwashinjila ni maliji anji, wahetele ku Ngresia.

Mukanda Wa Zambi 1970

² Muze hendangana mu chifuchi chize nikushinjila tumbaji maliji anji, yaheta mu chifuchi cha Gresia,

Yilinga 20:2 Iomraidhean Croise

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

Luka 3:18

Iye wambujolele sango lipema kuli atu, ni kwashinjila yuma yinji yikwo nawa.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 15:41

Iye wapalikile ndusu mu Seria ni Selishia, nikutakamisa yikungulwila.

Yilinga 16:12

katu ku kuze twayile ku Fwilipu, lienalio lie limbo linene lia chihanda chize cha chifuchi cha Masendoniya, ni njize A-Roma atungileko nawa: twanyongonwene mu limbo lize matangwa amwe.

Yilinga 17:1

Achi, muze te hapalika ndusu mu Amafwipoli ni Apoloneya, ahetele ku Tesalonika, kuze kwapwile sunangonga ya A-Yunda:

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 20:1

Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya.

Yilinga 20:11

Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile.

Yilinga 20:3

Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya.

1 Korintu 4:19

Alioze kumungukeza kuli yenu kulutwe lia shimbu likepe kachi Mwene mapala, mba mungukanyingika tachi ja waze akulifuza, hi liji ko.

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

1 Tesalonika 2:11

Chizechene ngwe nunanyingika, ngwe chize twapwile nikushinjila mweswe wa kuli yenu, ngwe umwe tato mashinjila ana jenyi mwene, nikunusangulwisa, nikushindakenya,

1 Tesalonika 2:3

Mumu kushinjila chetu kuchapwile cha kwonga, hanji cha luchisa, hanji cha kalimbalimba, ka.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.