Yilinga 20:13 - MUKANDA USANDU WA ZAMBI 1975

¹³ Yetu, nikutetekela ku ulungu, twakatukile nikwendamo ku Asone, se tunanyongo kuhitula Paulu; mumu chocho atushikile, mumu iye kanazange kwenda hashi.

Mukanda Wa Zambi 1970

¹³ Yetu yitutetekela ni kunjila mu ulungu, yituzauka ku limbo lia Asose. Kwe kuze twanyongene kuhitula Paulu ni kuya nenyi mu ulungu. Chenacho atushikile, mumu iye yazanga kwenda hashi.

Yilinga 20:13 Iomraidhean Croise

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Marku 6:46

Ni muze te hashika no, wayile ku mulundu mukulemba.

Yilinga 16:10

Muze te hamona usolwelo, haze hene twafupile kukatuka mukuya ku Masendoniya, nikunyonga ngwetu, Zambi hatutambika kwambujola sango lipema kuli ayo.

Yilinga 20:12

Mwe mukweze amutwalile ku mahienyi ni mwono, o alilembejekele chinji hali iye.

Yilinga 20:14

Muze atuwanyine ku Asone, twamuhitwile mu ulungu, twahetele ku Mitelene.

Yilinga 20:5

Alioze wano te hatetekela, atutwaminyinyine ku Troa.