Yilinga 2:5 - MUKANDA USANDU WA ZAMBI 1975

⁵ Achi, mwatwamine mu Yerusaleme A-Yunda, akwa kuwayila, a ku mavungu eswe mushi lia lilu.

Mukanda Wa Zambi 1970

⁵ Ku Yerusaleme te Ayuda atwama ko, akwa kuwayila Zambi waze akatukile ku yifuchi yeswe ya hashi.

Yilinga 2:5 Iomraidhean Croise

Kutuhuka 23:16

Chiwanyino cha kuhela mbuto, (mbuto yitangu ya ku kuhondangana che), wakulima ku munda, ni chiwanyino cha kukungila mbuto ha kuhwa cha mwaka, muze mukunga ya ku kuhondangana che ku munda.

Izaya 66:18

Mumu ngunanyingika yitanga yo ni manyonga jo, mba nguneza ngukakonge mavungu eswe ni malimi akeze akamone uhenya wami.

Zakaria 8:18

Liji lia Yehova-wa-Tujita yiliza kuli yami ngwenyi,

Mateu 24:14

Ni sango lino lipema lia wanangana kumakaliambujola mu yifuchi yeswe ya hashi mukupwa Shindakenyo ku mavungu eswe, ni hohene songo kumulikeza.

Luka 17:24

Mumu chizechene ngwe muhenyo muze muuhenya, muupanguka sali ni sali ya malilu; chocho mwe Mwana Mutu makapwa ha tangwa lienyi.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Luka 24:18

Mba umwe wa kuli ayo, jina lienyi Keleofwa, wamukumbulwile ngwenyi, Uli ngeji mu Yerusaleme, kwanyingikine yuma yize yinakapwako ha matangwa ano, nyi?

Yoano 12:20

Hakachi ka waze akandukile mukuwayila ku chiwanyino kwapwile amwe A-Ngresia.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:7

Muze mungelo yoze wahanjikile kuli iye hakatuka, watambikile aali a ku ngamba jenyi a mu zuwo, ni swalale mukwa kuwayila wa kuli waze amuvumbikile matangwa eswe.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 2:1

Muze tangwa lia Pentekoste hiliaheta, o eswe apwile hamuwika ni mbunge yimuwika muma mumuwika.

Yilinga 22:12

Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko,

Yilinga 8:2

Akwa kuwayila afunjile Eshetevau, alilile mbimbi chikolo hali iye.

Yilinga 8:27

Iye yakatuka, yaya: ni kumanyi, umwe unuku, Ka-Etiopia, wa chiyulo kushi lia Kandese, mwanangana wa A-Etiopia, iye wapwile ni chiyulo helu lia upite wenyi weswe, te heza mukuwayila ku Yerusaleme;

Shimbi 2:25

Tangwa lino munguputuka kukolesa mwongo wenu ni woma wenu atu eswe ali kushi lia lilu lieswe. Mevwa lufuma wa yenu, kumakachikima, ni kupinda mumu hali yenu.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.