Yilinga 2:46 - MUKANDA USANDU WA ZAMBI 1975

⁴⁶ O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Mukanda Wa Zambi 1970

⁴⁶ Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 2:46 Iomraidhean Croise

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Miaso (Masamu) 86:11

Yehova, ungulongese kama jila ye. Mungwenda mu umwenemwene we. Mbunge yami yipwe yimuwika ya kuvwila woma jina lie.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Mateu 6:22

Ndeya ya mujimba, liso: kashika kachi liso lie mulipwa Ungunu, kachi mujimba we weswe muuzala tò ni pangu.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Luka 24:53

O apwile matangwa eswe mu tembele nikuhalisa nikufumanyisa Zambi.

Yilinga 16:34

Iye waakandwishile ku zuwo lienyi, waahele kulia, walikwijile hamwe ni akwa zuwo lienyi eswe, se hafuliela Zambi.

Yilinga 2:42

O anyongonwene mu longeso lia apostolo, nikuliendela, ni upatwilo wa mbolo, ni kulemba.

Yilinga 20:7

Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Yilinga 3:1

Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa.

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.

Yilinga 5:42

Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.

A-ROMA 12:8

hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.

1 Korintu 10:16

Musenge wa uwape uze twakuwahisa, hi kuhangana cha manyinga ja Kristu ko, nyi? Mbolo yize twakupalula, hi kuhangana cha mujimba wa Kristu ko, nyi?

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

Efesu 6:5

Yenu ndungo, Ononokenu kuli waze nikulita ni musunya anapu akakenu, ni woma, ni kuchikima, ni kutuwika cha mbunge jenu, chizechene ngwe kuli Kristu.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Kolosu 3:22

Yenu ndungo, Ononokenu ha yuma yeswe kuli waze apwa akakenu nikulita ni musunya; kanda nulingila ku meso wika, ngwe akwa kupemena kuli atu, alioze ni kutuwika cha mbunge, nikwivwa woma wa Mwene.