Yilinga 2:40 - MUKANDA USANDU WA ZAMBI 1975

⁴⁰ Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Mukanda Wa Zambi 1970

⁴⁰ Ni maliji anji akwo Petulu yashindakenya, yaalembejeka ngwenyi: “Lilamwinenu ku ubatwilo uze muukeza hali atu wano abi!”

Yilinga 2:40 Iomraidhean Croise

Yishima 9:6

Enu hichikenu yizuzuke nukatwame ni mwono, nukendele mu jila ya malinjekela.

Jeremia 51:45

Enu atu jami katukenu muli iye! Mutu mweswe alamwine mwono wenyi ku utenu usasu wa Yehova!

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 16:4

Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Marku 8:38

Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Yoano 21:25

Kuyili nawa yuma yinji yikwo yize alingile Yesu, yenayo kachi mayisoneka chimwe ni chimwe, ngunashinginyeka chipwe he hashi heswe kuhechi kalita ni mikanda yize muyisonewa.

Yilinga 10:42

Iye watuhele shimbi mukwambujola kuli atu, nikushindakenya chikolo ngwetu, Yono hanamusela kuli Zambi Sopi ya a mwono ni afu.

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 20:11

Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile.

Yilinga 20:2

Ni muze te hapalika ndusu mu yihanda yize, nikwashinjila ni maliji anji, wahetele ku Ngresia.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 20:9

Mba umwe mukweze, jina lienyi, Utecho, Watwamine ha kapenda, wazembelele tulo anji; shimbu Paulu ahanjikile hindu chipinji chisuku chikolo, tulo amukumbile, iye waholokele ku chipatula chamuchitatu cha kwilu, yamuzundula hanafu kulu.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 4:36

Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

2 Korintu 5:20

Kashika yetu tuli tunganda twa Kristu, ngwe Zambi kanaliumbu ku liji lietu: tunahanjikila Kristu nikuliumba ngwetu, Wanenu ni Zambi.

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Galashia 5:3

Ewa, ngunashindakenya cheka nawa kuli mweswe matambula ungalami, ngwami, Kumapwa mukwa kongo mukulinga shimbi yeswe.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 32:5

O hamulinga mafwefwe, kapwile nawa ana jenyi mumu ha kupiha cho. Chisemuko cha kupiya ni kuhenga.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

1 Tesalonika 2:11

Chizechene ngwe nunanyingika, ngwe chize twapwile nikushinjila mweswe wa kuli yenu, ngwe umwe tato mashinjila ana jenyi mwene, nikunusangulwisa, nikushindakenya,

1 Timoteu 4:16

Kanyama kuli yena mwene ni ku longeso lie. Nyongonona mu yino yuma; mumu ha kulinga chino, mukalilamwina yena mwene ni waze akukwivwa nawa.

1 Petulu 5:12

Ku kwoko lia Selevwanu, ndumbu wamwenemwene, chocho ngunamumono, hinasoneka kuli yenu ni maliji akehe, nikushinjila nikushindakenya chikolo ngwami, Lino lie vumbi liamwenemwene lia Zambi: manenumo ngú.