Yilinga 2:4 - MUKANDA USANDU WA ZAMBI 1975

⁴ O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Mukanda Wa Zambi 1970

⁴ No eswe yaazala ni Mwiku wa Linanga, yaabutuka kuhanjika mu maliji eka ni eka ngwe chize Mwiku waahele yakuhanjika.

Yilinga 2:4 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Izaya 28:11

Alioze Yehova mahanjika ni vungu lino kuli malinga a malimi eka, te a limi lia tundaka.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Ezekiel 3:11

Yako, ukaye kuli njize, kuli atu je, ukambe kuli ayo ngwe, Mwene Yehova kanambe, chipwe mevwa, chipwe kasolo kwivwa.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Mateu 10:19

Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Marku 16:17

Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 1:41

Muze Izabele evwile kumeneka cha Maria, mwana-kemba watumbukile mu jimo lienyi; ni Izabele wazalile tò ni Spiritu Musandu;

Luka 1:67

Tato Zakaria wazalile tò ni Spiritu Musandu, yaprofeteza ngwenyi,

Luka 12:12

mumu Spiritu Musandu kumanulongesa ha ola yize yene chize Chanutamba kwamba.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Luka 4:1

Yesu wa tò ni Spiritu Musandu, yakatuka ku Yordau yahiluka, yamutwala muli Spiritu ku puya;

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 20:22

Muze te hamba chino, wahwimine hali ayo, yamba kuli ayo ngwenyi, Tambulenu Spiritu Musandu:

Yilinga 1:5

mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 10:46

Mumu aevwile nikuhanjika mu malimi nikuchichimieka Zambi. Hohene Petulu wakumbulwile ngwenyi,

Yilinga 10:47

Umwe mahasa kutukanjisa meya ha kupapachisa wano se hatambula Spiritu Musandu chizechene ngwe yetu nawa, nyi?

Yilinga 11:15

Shimbu naputukile kuhanjika, Spiritu Musandu wejile hali ayo, chizechene ngwe hali yetu ha uputukilo.

Yilinga 11:24

Mumu wapwile mutu mupema, wazalile tò ni Spiritu Musandu ni Ufulielo, ni mbunga yinene aliwezele kuli Mwene.

Yilinga 13:52

Tumbaji azalile tò ni uwahililo ni Spiritu Musandu.

Yilinga 13:9

Alioze Saulu, iye nawa Paulu, kanazala tò ni Spiritu Musandu, wamuhulikilile meso,

Yilinga 15:8

Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

Yilinga 19:6

Muze te Paulu hasayika moko jenyi hali ayo, Spiritu Musandu wejile hali ayo; o ahanjikile mu malimi, nikuprofeteza.

Yilinga 2:11

ni A-Krete ni A-Arabia, tunaevu nikuhanjika mu malimi ja yetwene yuma yinene ya Zambi.

Yilinga 2:3

Mba kwasolokele kuli ayo malimi a kupula, ngwe a kahia; o atwamine hali ayo eswe, umwe ni umwe.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Yilinga 4:8

Hohene Petulu, kanazala tò ni Spiritu Musandu, wambile kuli ayo ngwenyi, Akwa kuyula ja atu, ni makulwana ja Izalele,

Yilinga 6:3

Kashika mandumbu, fupenu hakachi kenu malunga shimbiali, akwa Shindakenyo, a tò ni Spiritu Musandu ni mana, aze mutwasela ku milimo yino.

Yilinga 6:5

Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

Yilinga 6:8

Mba Eshetevau, wa tò ni vumbi ni tachi, walingile yipekesa ni yilayi yinene hakachi ka atu.

Yilinga 7:55

Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi.

Yilinga 8:17

Hohene asayikile moko jo hali ayo, no atambwile Spiritu Musandu.

Yilinga 9:17

Mba Ananiya wayile, wanjilile mu zuwo; nikusayika moko jenyi hali iye, wambile ngwenyi, Ndumbwami Saulu, Mwene Yesu, yoze wasolokele kuli yena mu jila yize wejilile, hanangutumu hanga ulaule meso, uzale tò ni Spiritu Musandu.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

1 Korintu 12:10

kuli mukwo, kulinga cha yipupu; kuli mukwo, uprofeto: kuli mukwo, kusa chinyingi hakachi ka maspiritu; kuli mukwo, malimi eka ni eka; kuli mukwo, ulumbunwiso wa malimi:

1 Korintu 13:1

Chipwe munguhanjika ni limi lia atu ni angelo, alioze chishi zango, mungupwa ngwe ngunga yakuhanjika nge-nge-nge, hanji mikosa ya kunjatangila.

1 Korintu 13:8

Zango kulishi kuhwa nilimwe tangwa: alioze chipwe uprofeto, kumakauhwisa; chipwe malimi kumakahwa; chipwe yinyingi, kumakayihwisa.

1 Korintu 14:18

Ngunasakwila kuli Zambi, nakuhanjika mu malimi kuhiana yenu eswe:

1 Korintu 14:5

Achi, ngunazange yenu eswe nukahanjike mu malimi, alioze Shinaho nukaprofeteze: yoze maprofeteza iye munene wahiana yoze mahanjika mu malimi shina malumbununa, hanga chikungulwila akatambule maliji a kukolesa.

Efesu 3:19

nikunyingika zango lia Kristu, lize Kakuhiana yinyingi, hanga nukazale tò ndo ku kuzala cheswe cha Zambi.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.

1 Samuel 1:14

Mba Eli yamba kuli iye ngwenyi, Mwiji muka mulitwamina kuzengewa? Mbila vinyu ye.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.