Yilinga 2:39 - MUKANDA USANDU WA ZAMBI 1975

³⁹ Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

Mukanda Wa Zambi 1970

³⁹ Mumu chilakenyo chino chili cha yenu, ni cha ana jenu, ni cha eswe waze ali kusuku, ni cha eswe waze Mwene Zambi yetu hanaatambika iye mwene.”

Yilinga 2:39 Iomraidhean Croise

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 54:13

Ana je eswe a malunga maalongesa kuli Yehova, ni ana je eswe mapwa ni uhwimino wunji.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Izaya 59:20

Mukwa-Kukula meza ku Zaione, kuli A-Yakomba waze makatuka ku Utanguko. Chocho kanambe Yehova.

Izaya 65:23

Kechi kahondangana mokomoko; kechi kasema ana a kumona kuji-ni-tomo, mumu kumakapwa ana ja waze hanaawahisa kuli Yehova, ni ana jo hamwe no.

Ezekiel 37:25

Kumakatwama mu chifuchi kuze tulamba twenu atwamine, chize nahanyine kuli kavumbi kami Yakomba. O, ni ana jo, ni ana ja ana jo kumakatwamamo ndo ku miaka yeswe, ni kavumbi kami David kumakapwa mwe mulemu ndo ku miaka yeswe.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Yilinga 10:45

Akwa kufuliela a ku ungalami, alishikishilile, waze eswe ejile hamwe ni Petulu, mumu hali akwa mavungu nawa chawana cha Spiritu Musandu chazukukile.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 15:14

Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi.

Yilinga 15:3

Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene.

Yilinga 15:8

Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

A-ROMA 11:29

Mumu yawana ya vumbi ni kutambika cha Zambi keshi kulikonyekayo.

A-ROMA 8:30

mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.

A-ROMA 9:24

Te yetu nawa, atutambikile, hi kuli A-Yunda wika ko alioze kuli akwa mavungu nawa, mba kuchi?

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

1 Korintu 7:14

Mumu lunga yoze keshi kufuliela mamusela ku usandu muli mukwo-pwo, ni pwo yoze keshi kufuliela mamusela ku usandu muli mukwolunga; nyi ka, kachi ana jenu mapwa a luchisa; alioze haliapwila kanapu ku usandu.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Efesu 2:12

Ha miaka yize nwapwile kunushi ni Kristu, tundaka ku vungu lia Izalele, ni yilambala ku usendo wa chilakenyo, ni kutalatala nichimwe, nwapwile kunushi ni Zambi hano hashi.

Efesu 4:4

Kuuli mujimba umuwika, ni Spiritu umuwika, ngwe hananutambika mu kutalatala chimuwika cha kutambika chize anutambikile nacho;

Shimbi 29:15

alioze ngunaukolesa ni atu anamana kuno musono hamwe ni yetu kumeso ja Yehova Zambi yetu, ni ngunaukolesa ni atu keshiko hamwe ni yetu musono.

2 A-TESALONIKA 1:11

Kashika twakunulembela matangwa eswe, Zambi yetu akanumone akwa kutela kutambika chenyi, hanga akamanunune kuwaha cheswe cha upeme, ni yitanga yeswe ya Ufulielo, ni tachi;

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

Hebreu 9:15

Ha chikuma chino iye chitakanyishi cha usendo waha, hanga waze hanaatambika akatambule chilakenyo cha chihinga cha mutolo, mumu kufwa hichapwa ha ukule wa Utanguko uze wapwile kushi lia usendo utangu.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

2 Petulu 1:10

Kashika, mandumbu, lipupwisenu kukolesa chinyingi cha kwamba ngwenu, Hanatutambika, hanatutongola; mumu kachi munulinga yino yuma kachi kunuchi kalimbuka nilimwe tangwa.

2 Petulu 1:3

Se tachi jenyi ja Uzambi hijinatwehe chawana yuma yeswe ya kutwala ku mwono ni uwayilo, ku chinyingi cha yoze watutambikile ni uhenya wenyi mwene ni kuhiana chenyi mwene.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.