Yilinga 2:37 - MUKANDA USANDU WA ZAMBI 1975

³⁷ Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?

Mukanda Wa Zambi 1970

³⁷ Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Yilinga 2:37 Iomraidhean Croise

Miaso (Masamu) 73:21

Kashika mbunge yami yalipikalile, angutwile muchima liami,

Longeshi 12:11

Yambo ya akwa mana kuyapwa ngwe misongolwela mba yishima ya kukungulula yapwa ngwe mbambo ja kukolesa. Yeswe yinakatuka kuli Kafunga umuwika.

Izaya 21:12

Kalayi kanakumbulula ngwenyi, Chimene kuchineza ni ufuku nawa. Nyi munuhula, hulenu, alioze hilukenu nwize.

Ezekiel 7:16

Nyi amwe akwa kwomboka mapwa ni mwono, hindu makapwa ha milundu, ngwe membe a mu yikulo, eswe nikutwa mikuma, mutu mweswe ha mukunda wa uhenge wenyi.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Luka 3:10

Ni mbunga amuhulile, ngwo, Kuchi kevwe chatutamba kulinga?

Luka 3:12

Akwa kufwetesa lijimu nawa ejile akaapapachise, o ambile kuli iye ngwo, Longeshi, kuchi chatutamba kulinga?

Luka 3:14

Maswalale nawa amuhulile, ngwo, Ni yetu, kuchi chatutamba kulinga? Iye wambile kuli ayo ngwenyi, Kanda nukapinjisa niumwe, chipwe kanda nukasanyina; yukenu ni fweto yenu.

Yoano 8:9

O muze achivwile atuhukile umwe ni umwe, nikuputuka kuli mukulwana ndo kuli yoze wa kusula; ahichikile Yesu ukawenyi, ni mwe pwo, muze apwile mukachi.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 22:10

Mba nambile ngwami, Kuchi mungulinga, Mwene? Mwene wambile kuli yami ngwenyi, Katuka, uye ku Ndamaseku; kuze kumakakwambuwila ha kutwala ku yuma yize yeswe hanakuselayo kulinga.

Yilinga 5:33

Alioze, muze evwile chino, alichokele mu mbunge, azangile kwashiha.

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.

A-ROMA 7:9

Alioze napwile ni mwono chishi shimbi ha miaka ya kunyima; alioze muze shimbi yejile, shili yahuzulukile ni yami nafwile;