Yilinga 2:33 - MUKANDA USANDU WA ZAMBI 1975

³³ Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Mukanda Wa Zambi 1970

³³ Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.

Yilinga 2:33 Iomraidhean Croise

Miaso (Masamu) 118:16

Kwoko lia chindume lia Yehova hanangama. Kwoko lia chindume lia Yehova kuliakulinga ni tachi.

Miaso (Masamu) 89:19

Mba wahanjikile mu usolwelo kuli musandu we. Wambile ngwe, Hinakwasa umwe mukwa ndundo; hinanangamisa umwe wa kutongola hakachi ka atu.

Miaso (Masamu) 89:24

Alioze umwenemwene wami ni utu wa zango liami muyikatwama nenyi. Makanangamisa mbinga yenyi mu jina liami.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Luka 24:49

Nyingikenu, mungutuma chilakenyo cha Tata hali yenu: alioze twamenu mu limbo ndo manujika ni tachi ja mwilu.

Yoano 14:16

Mungukalemba kuli Tata, iye kumakanwaha Chikwashi mukwo, hanga akapwe hamwe ni yenu ndo ku miaka ya mutolo.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 15:26

Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yilinga 1:4

Iye, nikukunguluka hamwe no, waahele koki ngwenyi, Kanda nukakatuka ku Yerusaleme, alioze nukatwaminyine chilakenyo cha mwe Tata, chize ngwenyi, Nwevwile kuli yami:

Yilinga 10:45

Akwa kufuliela a ku ungalami, alishikishilile, waze eswe ejile hamwe ni Petulu, mumu hali akwa mavungu nawa chawana cha Spiritu Musandu chazukukile.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

A-ROMA 5:5

ni kutalatala kuchishi kukolesa sonyi; mumu zango lia Zambi hanalizukwila mu mbunge jetu ku tachi ja Spiritu Musandu yoze atuhele.

Galashia 3:14

Hanga uwape wa Apalahama ukeze hali akwa mavungu muli Kristu Yesu; hanga tukatambule chilakenyo cha Spiritu ku Ufulielo.

Efesu 1:13

Muli iye ni yenu nawa se nwevwile liji lia umwenemwene lia sango lipema lia ulamwino wenu; muli iye nawa, se nwafulielele, anujikile ni Chijikilo cha Spiritu Musandu wa chilakenyo.

Efesu 4:8

Kashika kanambe ngwenyi, Muze azezukile kwilu, wafungile funge anji, wahanyine yawana kuli atu.

Titu 3:6

Yoze wamuzukwile wa kulumbama hali yetu kuli Yesu Kristu Chilamwina chetu,

Hebreu 10:12

Alioze iye muze te hatambula chitapo chimuwika ha milonga, Watwamine ndo ku miaka ya mutolo ku kwoko lia chindume lia Zambi.

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.