Yilinga 2:32 - MUKANDA USANDU WA ZAMBI 1975

³² Yono Yesu, Zambi hanamuhindwisa, hali iye yetu eswe tuli yela.

Mukanda Wa Zambi 1970

³² Yono Yesu, Zambi hanamuhindwisa ku kufwa. Yetu eswe tuli yela ja chikuma chino.

Yilinga 2:32 Iomraidhean Croise

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 13:30

Alioze Zambi wamuhindwishile hakachi ka afu:

Yilinga 13:33

ngwo, Zambi hanachimanununa kuli yetu ana jo, se wasolwele Yesu; ngwe chinasonewa nawa mu Samu liamuchiali ngwo, Mwanami Yena, tangwa lino hingunakuseme.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 4:33

Mba ni tachi jinene apostolo asele Shindakenyo yo ha Uhindukilo wa Mwene Yesu, ni vumbi linene liapwile hali ayo eswe.

Yilinga 5:30

Zambi ya tulamba twetu wahindwishile Yesu, yoze nwashihile ha kumuzezeleka ha mutondo.

1 Korintu 15:15

Ewa, kanatuwane yela ja Zambi ja mahuza; mumu twashindakenyene hali Zambi ngwetu, Wahindwishile Kristu: yoze kamuhindwishileko nyi chocho chinapu keshi kuhindwisa afu.

1 Korintu 6:14

ni Zambi yoze wahindwishile Mwene, kumakatuhindwisa nawa ku tachi jenyi.

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Efesu 1:20

jize walingile muli Kristu muze amuhindwishile hakachi ka afu, muze amutwamishine ku kwoko lienyi lia chindume mu malilu,

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.