Yilinga 2:30 - MUKANDA USANDU WA ZAMBI 1975

³⁰ Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

Mukanda Wa Zambi 1970

³⁰ Te mukwa munanyi wa Zambi, mba yanyingika ngwenyi, Zambi hanamulakenya ni Shingo ngwenyi: ‘Mungukapwisa umwe wa ku vungu lie mwanangana ngwe yena.’

Yilinga 2:30 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mateu 22:43

Iye ngwenyi, Ngwe kuchi kevwe David muli Spiritu anamuvuluka ngwenyi, Mwene, nikwamba ngwenyi,

Mateu 27:35

Muze te hamuhachila ha kulusu, alianyinyine mazalo jenyi hakachi ko, nikuta chela;

Marku 12:36

Mumu David mwene wambile muli Spiritu Musandu ngwenyi, Mwene wambile kuli Mwene wami ngwenyi, Twama ku kwoko liami lia chindume ndo mungusa akwa kole je chitwamo cha yiliato ye.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

A-ROMA 1:3

Lia kutwala kuli Mwanenyi, yoze wasemukine ku munyachi wa David nikulita ni musunya,

A-ROMA 15:12

Cheka nawa, Izaia kanambe ngwenyi, Kumukukapwa chikota cha Yese, ni yoze makakatuka hanga akayule mavungu; hali iye mavungu kumakatalatala.

2 Timoteu 2:8

Iwuluka Yesu Kristu amuhindwishile hakachi ka afu, wa ku munyachi wa David, nikulita ni sango liami lipema.

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Hebreu 3:7

Kashika chizechene ngwe Spiritu Musandu kanambe ngwenyi, Musono nyi munwivwa liji lienyi,

Hebreu 4:7

Cheka nawa kanavuluka limwe tangwa ngwo, Musono, ku kanwa lia David ngwenyi, Kulutwe lia shimbu linene Chichize, ngwe hanachambe ngwo, Musono, nyi munwivwa liji lienyi, kanda nukalisa mbunge jenu.

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.

Hebreu 7:21

(mumu waze chamwenemwene aapwishile asasendote te shingo liakuhi, aiioze iye nikulishinga, kuli yoze wambile kuli iye ngwenyi, Mwene walishingile, kechi kalikonyeka ngwenyi, Yena uli sasendote ndo ku miaka ya mutolo nikulita ni ngango ya Melekizeteke).

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.