Yilinga 2:3 - MUKANDA USANDU WA ZAMBI 1975

³ Mba kwasolokele kuli ayo malimi a kupula, ngwe a kahia; o atwamine hali ayo eswe, umwe ni umwe.

Mukanda Wa Zambi 1970

³ Yimusoloka malimi ngwe milengi ya kahia, yaalihandununa, mba yaabwa hali mutu ni mutu.

Yilinga 2:3 Iomraidhean Croise

Ubutukilo 11:6

Yehova ngwenyi, Kumanyi hapwa munyachi umuwika ni limi limuwika kashika haputuka kulinga chuma chino. Haliapwila cheswacho mahala kulinga kechi kuhasa kwachinda.

Miaso (Masamu) 55:9

Mwene, wonwone kama. Pula limi lio, mumu hinamona upupilo ni kulitachika mu limbo.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 23:29

Yehova kanambe ngwenyi, Liji liami linapu ngwe kahia, ngwe muhato wa kupatula mawe tuyipalupalu.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Luka 24:32

O aliambile umwe kuli mukwo ngwo, Mbunge jetu kujevwile chivukuminya muli yetu shimbu ahanjikanga kuli yetu mu jila, shimbu alumbununanga kuli yetu ye yisoneko, nyi?

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 2:11

ni A-Krete ni A-Arabia, tunaevu nikuhanjika mu malimi ja yetwene yuma yinene ya Zambi.

Yilinga 2:2

Susumuku kwakatukile mwilu lundunjila ngwe kutakumuka cha fuji ya tachi, chazalishile zuwo lieswe, muze atwamine.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

1 Korintu 12:10

kuli mukwo, kulinga cha yipupu; kuli mukwo, uprofeto: kuli mukwo, kusa chinyingi hakachi ka maspiritu; kuli mukwo, malimi eka ni eka; kuli mukwo, ulumbunwiso wa malimi:

Tiangu (Jake) 3:6

Ni limi linapu kahia: we uhenge weswe wa hano hashi; chocho limi hanalise hakachi ka yihanda yetu, lize liakupihisa mujimba weswe, liakuchocheka kahia ku yuma yeswe ya chisemewa, nelio hilinambula kahia ku Ngehena.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

Usolwelo 14:6

Mba namwene mungelo mukwo kanahumuka mukachi ka lilu, kali ni sango lipema lia mutolo mukwambujola kuli akwa hashi, ku mavungu eswe, ni ku minyachi yeswe, ni ku malimi pswe, ni kuli atu eswe.