Yilinga 2:24 - MUKANDA USANDU WA ZAMBI 1975

²⁴ mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Mukanda Wa Zambi 1970

²⁴ Alioze Zambi hanamuhindwisa, hanamujitula ku lamba lia kufwa, mumu kufwa kuchahashile kumukwata nawa.

Yilinga 2:24 Iomraidhean Croise

Miaso (Masamu) 116:16

Yehova, chamwenemwene nguli kavumbi ke. Nguli kavumbi ke, mwana wa kavumbi ke wa pwo, hiunakasulula makana jami.

Izaya 10:7

Alioze aye kachipalile chocho, ni manyonga jenyi kapwile chocho. Aye kananyongo kwenyeka, ni kutetaho mavungu anji.

Izaya 25:8

Kumakakumba che kufwa ndo ku miaka ya mutolo mba Mwene Yehova makusumuna masoji ku meso eswe. Ni sau lize liatwama hali atu jenyi makalichiza hashi heswe, mumu Yehova hanachambe.

Izaya 26:19

Afu je matwama ni mwono, mijimba yo muyihinduka. Enu nwaya ku fufuta, laulenu nukembe ni uwahililo! Mumu mume we wapwa wa pangu, mba ha chifuchi cha yizulie muuhinjila.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Yoano 10:18

Niumwe mauchiza kuli yami, alioze munguutumbika yami mwene. Chiyulo nguli nacho cha kuutumbika, ni chiyulo nguli nacho cha kuwanda cheka nawa. Shimbi yino nayitambwile kuli mwe Tata.

Yoano 10:35

Kachi waavulukile ngwenyi, Mazambi, waze kuli ayo liji lia Zambi liahetele (ni chisoneko kuchishi kuhasa kuhwa),

Yoano 12:39

Ha chikuma chino kahashile kufuliela, mumu te Izaia wambile cheka nawa ngwenyi,

Yoano 20:9

Mumu te kanda achinyingika chisoneko ngwe chamutamba kuhinduka hakachi ka afu.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 13:30

Alioze Zambi wamuhindwishile hakachi ka afu:

Yilinga 13:37

alioze yoze amuhindwishile Zambi kamweneko kupola.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 5:30

Zambi ya tulamba twetu wahindwishile Yesu, yoze nwashihile ha kumuzezeleka ha mutondo.

A-ROMA 10:9

ngwo, Kachi ni kanwa lie mutayiza Mwene Yesu, nyi kachi mufuliela mu mbunge ye ngwe Zambi wamuhindwishile hakachi ka afu, makakulamwina:

A-ROMA 14:9

Mumu ha chino Kristu yafwa, yahinduka, yatwama ni mwono cheka nawa, hanga akapwe Mwene wa eswe aali, ni wa afu ni wa a mwono.

A-ROMA 4:24

alioze mumu hali yetu nawa, kumawalula kuli yetu twakufuliela kuli yoze wahindwishile Yesu Mwene wetu hakachi ka afu;

A-ROMA 6:4

Hanatufundu kashika hamwe nenyi ku upapachiso mu kufwa; hanga chizechene ngwe hanahindwisa Kristu hakachi ka afu akachichimieke mwe Tata, chocho yetu nawa tukende mu mwono waha.

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

1 Korintu 15:12

Achi, nyi anambujola Kristu, ngwe hanamuhindwisa hakachi ka afu, ngwe kuchi amwe hakachi kenu anambe ngwo, Uhindukilo wa afu wakuhi niumwe?

1 Korintu 15:15

Ewa, kanatuwane yela ja Zambi ja mahuza; mumu twashindakenyene hali Zambi ngwetu, Wahindwishile Kristu: yoze kamuhindwishileko nyi chocho chinapu keshi kuhindwisa afu.

1 Korintu 15:20

Alioze haliapwila hanahindwisa Kristu hakachi ka afu, muhuko utangu wa kuli waze hanayi tulo.

1 Korintu 15:4

amufunjile; amuhindwishile ha tangwa liamuchitatu nikulita ni yisoneko;

1 Korintu 6:14

ni Zambi yoze wahindwishile Mwene, kumakatuhindwisa nawa ku tachi jenyi.

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Efesu 1:20

jize walingile muli Kristu muze amuhindwishile hakachi ka afu, muze amutwamishine ku kwoko lienyi lia chindume mu malilu,

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.