Yilinga 2:23 - MUKANDA USANDU WA ZAMBI 1975

²³ iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Mukanda Wa Zambi 1970

²³ Zambi, mu upale wenyi ni chinyingi chenyi, hanabatula kulu kunukunjika Yesu. Nwamushihile muze nwatayijile yivulumunyi amuhate ha kulusu.

Yilinga 2:23 Iomraidhean Croise

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Izaya 37:26

Te kwevwile ngwe nachesekele kulu, ngwe nachipalile ku shakulu? Mba haliapwila hinachilinga hanga ukapwe yena mukwa kupupa yihunda ya yipanga-ya-mawe yikapwe milumba ya yiswaswa.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Mateu 20:19

kumakamukunjika kuli akwa mavungu mukumukekuna, akamulambe ni shikote, akamuhachile ha kulusu: ni ha tangwa liamuchitatu kumakahinduka.

Mateu 26:24

Mwe Mwana Mutu maya chamwenemwene, nikulita ngwe chinasonewa hali iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Mateu 27:35

Muze te hamuhachila ha kulusu, alianyinyine mazalo jenyi hakachi ko, nikuta chela;

Marku 15:24

O yamuhachila ha kulusu, yalianyina mahina jenyi hakachi ko, nikuta chela chize mweswe matambula.

Luka 22:22

mumu mwe Mwana Mutu chamwenemwene maya ngwe amuselelecho; alioze lamba kuli yoze mutu mamukunjika!

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Luka 23:33

Muze ejile kuma kuze anavulukako ngwo, Kavwale, kuze kwene amuliachilile ha kulusu, ni yingulungulu, umwe ku chindume, ni mukwo ku chimeso.

Luka 24:20

Ngwe asasendote akwa lutwe ni akwa kuyula jetu amukunjikile ku upatwilo wa kufwa, amuliachilile ha kulusu.

Yoano 19:18

kuze kwene amuliachilile ha kulusu; ni akwo aali hamwe nenyi, umwe ku sali lino, ni mukwo ku sali lize, ni Yesu mukachi ko.

Yoano 19:24

Aliambile kashika umwe kuli mukwo ni mukwo ngwo, Kanda tuchipula, alioze tuchitenu chela, yoze muchipwa nichenyi: hanga chisoneko chikamanunuke, chize chinambe ngwo, Alianyinyine mazalo jami hakachi ko, ni ha uzalo wami atele chela. Maswalale kashika alingile yino yuma.

Yilinga 13:27

Mumu waze akutwama mu Yerusaleme, ni akwa kuyula jo, se kamusele chinyingi, chipwe kanyingikine maliji ja aprofeta aze akwatanga ha masambata eswe, aamanunwine ha kumuhisa.

Yilinga 15:18

Zambi kananyingika yitanga yenyi yeswe chize ku miakulwila.

Yilinga 2:36

Kashika, akwa zuwo lieswe lia Izalele anyingike chamwenemwene ngwo, Yono Yesu, nwamuhachilile ha kulusu, Zambi hanamupwisa ni Mwene ni Kristu.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 4:28

mukulinga cheswacho kwoko lie ni mana je afunjikile Shimbu-kanda.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 5:30

Zambi ya tulamba twetu wahindwishile Yesu, yoze nwashihile ha kumuzezeleka ha mutondo.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

A-ROMA 2:12

Mumu waze eswe hanavulumuna keshi shimbi, kumakatoka keshi shimbi; ni waze hanavulumuna kushi lia shimbi, kumakaapatwila ku shimbi;

A-ROMA 4:17

(ngwe chinasonewa ngwo, Hingunakupwisa tato ya mavungu anji) kumeso ja Zambi yoze wamufulielele, yoze wakupwisa afu ni mwono, kakuvuluka yuma yize yakuhi, chizechene ngwe kuyili.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Petulu 1:20

Amunyingikine chamwenemwene shimbu kanda asela fundamentu ya hashi, aiioze hanamusolola ha kusula songo lia miaka mumu hali yenu.

1 Petulu 2:8

Chikwo ngwo, liwe lia kuhukanyisa, ni luliwe lwa kutalingisa; mumu kakuhukana ku liji, se keshi kwononoka: ku chize aatongwelele.

Yuda 1:4

Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.